Wagyz-nesihat çäresi
2023-nji ýylyň 4-nji iýulynda Aşgabat şäheriniň Olimpiýa şäherçesinde Birleşen Milletler Guramasynyň Türkmenistandaky Hemişelik utgaşdyryjysynyň wekilhanasynyň we Türkmenistanyň Bedenterbiýe we sport baradaky döwlet komitetiniň bilelikde guramagynda neşekeşligi we neşe serişdeleriniň bikanun dolanyşygyna garşy göreşmek boýunça Bütindünýä gününiň çäklerinde wagyz-nesihat çäresi geçirildi. Bu çärä Türkmenistanyň Içeri işler, Saglygy goraýyş we derman senagaty ministrlikleriniň, Bedenterbiýe we sport baradaky döwlet komitetiniň wekilleri hem-de Durnukly Ösüş Maksatlarynyň ýaş ilçileri gatnaşdylar.
Çärede degişli edaralaryň wekilleri neşe serişdeleriniň bikanun dolanyşygyna garşy göreşmek boýunça çykyş edip, bu ugurda ýurdumyzda alnyp barylýan netijeli işler barada gürrüň berdiler. Şeýle hem çäräniň dowamynda ýaşlaryň arasynda neşe serişdeleriniň ulanylmagynyň öňüni almak hem-de olary ýaramaz endiklerden goramak barada pikir alşyldy.
Çäräniň ahyrynda gatnaşyjylar bilelikde ýadygärlik suratyna düşdüler.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby,
Durnukly Ösüş Maksatlarynyň Ýaş ilçisi.