"HALKARA GATNAŞYKLARDA DÖWLET NYŞANLARY" atly bäsleşik
Ýurduň resmi döwlet nyşanlary döwletiň özygtyýarlylygynyň iň möhüm alamatlarydyr. Döwlet nyşanlaryna hormat goýmak, olary dürs ulanmagyň esaslaryny bilmek jemgyýetde umumy we syýasy medeniýetiň görkezijisi bolup hyzmat edýär. Döwlet nyşanlary halkyň köp asyrlyk taryhyny, häzirki döwrüň geçmiş bilen baglanyşygyny we geljek üçin saýlan ýörelgelerini görkezýär. Dünýä tejribesinde döwletiň resmi tapawutly nyşanlarynyň üçlügi emele geldi: Döwlet Baýdagy, Döwlet Tugrasy we Döwlet Senasy. Garaşsyzlygyň we döwletliligiň nyşanlary bolan dünýä ýurtlarynyň döwlet nyşanlaryna ýaşlaryň aň-bilim gyzyklanmasyny ösdürmek maksady bilen, Dünýä dilleri kafedrasy “Halkara gatnaşyklarynda döwlet nyşanlary” atly bäsleşigi geçirýär. Oýun rus dilinde geçiriler. Institutymyzyň ähli fakultetleriniň talyplaryny 2023-nji ýylyň 27-nji aprelinde sagat 15:00-da institutymyzyň baş binasynda (200 adamlyk mejlisler zalynda) geçiriljek bäsleşige gatnaşmaga çagyrýarys.