"ULAG DIPLOMATIÝASYNDA" OKUW SAPAGY GEÇIRILDI
2024-nji ýylyň 18-nji noýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «Türkmenistanyň ulag babatynda öňe süren halkara başlangyçlarynyň BMG tarapyndan ykrar edilmeginiň ähmiýeti» atly okuw sapagy geçirildi. Bu okuw sapagyny Türkmenistanyň Magtymguly adyndaky Ýaşlar guramasynyň Merkezi Geňeşiniň hünärmeni Rahymberdi Kerimow alyp bardy. Okuw sapagynyň dowamynda Türkmenistanyň başlangyjy bilen BMG-niň Baş Assambleýasynyň 79-njy sessiýasynda BMG-niň 2026 — 2035-nji ýyllar döwründe «Durnukly ulagyň onýyllygyny» durmuşa geçirmek üçin Hereketleriň meýilnamasynyň taslamasynyň işlenip düzülmegi barada beýan edildi. Şeýle-de talyplar özlerini gyzyklandyrýan soraglaryna jogap tapdylar hem-de ulag diplomatiýasy baradaky bilimlerini artdyrdylar.
Begli SULTANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.