"ULAG DIPLOMATIÝASYNDA" NOBATDAKY OKUW SAPAGY GEÇIRILDI
2024-nji ýylyň 19-njy noýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «Halkara üstaşyr geçelgelerini döretmek hakynda Lapis-Lazuli we Aşgabat ylalaşyklaryna agza ýurtlarynyň arasynda “Bir penjire” ulgamynyň mümkinçiliklerini öwrenmek» atly okuw sapagy geçirildi. Bu okuw sapagyny «Türkmen Logistika» Assosiasiýasynyň başlygynyň orunbasary Akmuhammet Ýusupow alyp bardy. Okuw sapagynyň dowamynda Türkmenistanyň başlangyjy bilen BMG-niň Baş Assambleýasynyň 79-njy sessiýasynda Durnukly ulag arabaglanyşygynyň ählumumy atlasyny hem-de Ählumumy energetika howpsuzlygy we durnukly ösüş boýunça hyzmatdaşlygyň bileleşigini döretmek baradaky başlangyçlaryň ähmiýeti barada gürrüň edildi. Şeýle-de talyplar özlerini gyzyklandyrýan soraglaryna jogap tapdylar hem-de ulag diplomatiýasy baradaky bilimlerini artdyrdylar.
Begli SULTANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.