Ulag diplomatiýasy - türkmen-malaýziýa gatnaşyklarynyň möhüm ugry
2022-nji ýylyň 23-nji dekabrynda Türkmenistanyň Daşary işler ministrliginiň Halkara gatnaşyklary institutynda hereket edýän Türkmenistanyň diplomatiýasynyň möhüm ugurlary boýunça okuw Merkeziniň çäklerinde (TDMUOM) Türkmenistanyň Malaýziýadaky Adatdan daşary we Doly ygtyýarly Ilçisi Muhammetnyýaz Maşalow Badyýewiç bilen institutyň talyplarynyň gatnaşmagynda «Ulag diplomatiýasy» boýunça duşuşyk geçirildi.
Duşuşygyň dowamynda hormatly Ilçi türkmen-malaýziýa gatnaşyklarynyň çäklerinde gazanylan tejribe, hyzmatdaşlygyň häzirki ýagdaýy we geljekde ikitaraplaýyn gatnaşyklary ösdürmekde öňde durýan wezipeler barada gürrüň berdi.Ynsanperwer gatnaşyklar türkmen-malaýziýa hyzmatdaşlygynyň aýrylmaz bölegi bolup durýar. Bu ulgamda uly tejribe toplanyldy hem-de medeniýet ugurlary we saglygy goraýyş ulgamy boýunça netijeli gatnaşyklary ösdürmek, iki halkyň we döwletleriň arasyndaky dostlugy pugtalandyrmaga ýardam edýän bilelikdäki çäreleri geçirmek tejribesini dowam etmek üçin uly mümkinçilikler bar. Şeýle-de Ilçi Türkmenistanyň we Malaýziýanyň arasyndaky syýasy, söwda-ykdysady, ulag-aragatnaşyk, ylym-bilim, medeni-ynsanperwer ugurlardaky gatnaşyklary bar bolan mümkinçilikleriň esasynda mundan beýläk-de ýokarlandyrmakda alnyp barylýan işler barada durup geçdi.
Täsirli geçen duşuşygyň ahyrynda talyplar özlerini gyzyklandyrýan sowallar bilen Ilçä ýüzlenip, olara takyk we giňişleýin jogap aldylar.
Aknur ALLABERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň IV ýyl talyby.