Ulag diplomatiýasy boýunça okuw sapaklary üstünlikli geçirilýär.
2021-njy ýylyň 27-nji oktýabrynda Türkmenistanyň Daşary işler ministrliginiň Halkara gatnaşyklary institutynda “Ulag diplomatiýasy” ugry boýunça fakultatiw okuw sapagy geçirildi. Institutyň talyplarynyň işjeň gatnaşmagynda geçen bu okuw sapagynda Jemgyýeti öwreniş ylymlary kafedrasynyň uly mugallymy, filosofiýa ylymlarynyň kandidaty Ogulgurban Ezimowa “Dünýäni bitewileşdirýän halkara ulag-üstaşyr geçelgelerini döretmek ideýasy hormatly Prezidentimiziň parasatly syýasatynyň ileri tutýan ugurlarynyň biridir” atly tema boýunça çykyş etdi.
Talyplar üçin örän täsirli bolan okuw sapagynda häzirki döwürde Bitarap Türkmenistanyň daşary syýasat ugrunyň 2017-2023-nji ýyllar üçin Konsepsiýasynyň esasy ugurlarynyň biri bolan Ulag diplomatiýasy barada gürrüň edildi. Hormatly Prezidentimiziň başlangyjy esasynda, Türkmenistanyň Daşary işler ministrliginiň Halkara gatnaşyklary institutyndaky Türkmenistanyň diplomatiýasynyň möhüm ugurlary boýunça okuw merkezinde “Ulag diplomatiýasy” ugruna degişli ýörite tassyklanan okuw meýilnamasyna laýyklykda fakultatiw okuwlar ýokary derejede geçirilýär hem-de olaryň netijeleri boýunça merkeziň diňleýjileri tarapyndan çykyşlar, prezentasiýalar taýýarlanylýar.
Batir SADULLAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.