UKRAINA DÖWLETINDEN ALYMYŇ GATNAŞMAGYNDA OKUW SAPAGY GEÇIRILDI
2024-nji ýylyň 3-nji dekabrynda Türkmenistanyň Daşary işler ministrliginiň Halkara gatnaşyklary institutynda K.D.Uşinskiý adyndaky Günorta Ukraina milli mugallymçylyk uniwersitetiniň Terjime, nazary we amaly lingwistika kafedrasynyň dosenti, filologiýa ylymlarynyň kandidaty hanym Elina Larinanyň gatnaşmagynda okuw sapagy geçirildi. Okuw sapagyna institutymyzyň talyp ýaşlary gatnaşdylar.
Institutyň talyplaryna berlen okuw sapagynyň dowamynda hanym Elina Larina “Netijeli kommunikasiýa” atly tema boýunça çykyş etdi. Çykyşynyň dowamynda hanym Larina kommunikasiýa we onuň düzgünleri, görnüşleri şeýle-de, netijeli kommunikasiýanyň halkara gatnaşyklaryndaky orny barada giňişleýin gürrüň berdi. Bu okuw sapagy talyplar üçin örän täsirli boldy we talyplar özlerini gyzyklandyrýan sowallar arkaly pikir alyşdylar.
Taňryguly GELDIMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.