TÜRKMENISTANYŇ WEKILÝETI «RUSSIÝA – YSLAM DÜNÝÄSI: KAZANFORUM» HALKARA YKDYSADY FORUMYNA GATNAŞDYLAR
Berkarar döwletiň täze eýýamynyň Galkynyşy döwründe ýurdumyz gün saýyn ösüşlere beslenýär.
Gahryman Arkadagymyzyň energetika ulgamynda halkara başlangyçlaryny amala aşyrmakda we sebitde hyzmatdaşlygy, ynanyşmagy berkitmekde «Russiýa - Yslam dünýäsi: KazanForum» halkara ykdysady forumynyň ähmiýetine aýratyn uly orun degişlidir
Türkmenistan bilen Russiýa döwleti bilen halkara giňişlikde işjeň hyzmatdaşlyk edýärler, BMG-niň we beýleki iri halkara guramalaryň çäklerinde aýratyn ähmiýetli başlangyçlarydyr teklipleri ilerletmekde birek-biregi yzygiderli goldaýarlar.
Türkmenistan we Russiýa Federasiýasy oňyn syýasy-diplomatik gatnaşyklary ösdürmek bilen, söwda-ykdysady ulgamda, ýangyç-energetika toplumynda we beýleki pudaklarda netijeli hyzmatdaşlyk edýärler. Bu ugurlarda bar bolan kuwwatlyklary hasaba almak arkaly umumy tagallalaryň birleşdirilmegi has netijeli hasap edilýär.
2022-nji ýylda foruma 6,3 müňden gowrak adam, şol sanda Türkmenistanyň Halk Maslahatynyň Başlygy Gurbanguly Berdimuhamedow gatnaşdy
Taryha nazar salsak, «KazanForum 2022»-de Tatarstan Respublikasynyň Başlygy Rustam Minnihanow: «20 milliondan gowrak musulmanyň ýaşaýan Russiýasynyň Halal pudagy üçin uly geljegi bar. Mundan başga-da, bu diňe bir iýmit däl, eýsem syýahatçylyk, lukmançylyk, IT tehnologiýalary we başga-da köp zat» diýip belläp geçdi.
KazanForum-yň maksady Russiýa bilen Yslam hyzmatdaşlyk guramasyna girýän döwletleriň söwda-ykdysady, ylmy-tehniki, durmuş we medeni gatnaşyklaryny berkitmek bolup durýar. Ilkinji gezek forum 2009-njy ýylda geçirildi. Şu ýyl RF-niň Prezidentiniň karary bilen foruma federal derejesi berildi.
Türkmen wekiliýeti 2023-nji ýylyň 18-19-njy maýynda RF-niň Tatarystan Respublikasynda geçiriljek «Russiýa - Yslam dünýäsi: KazanForum» halkara ykdysady forumyna gatnaşar. Bu barada türkmen halkynyň Milli Lideri Gurbanguly Berdimuhamedow RF-niň Tatarystan Respublikasynyň Baştutany Rustam Minnihanow bilen telefon arkaly söhbetdeşliginiň dowamynda belledi. Şol, söhbetdeşligiň barşynda Gahryman Arkadagymyz «Demirgazyk — Günorta» ýaly täze ulag-üstaşyr geçelgeleriň möhümligine üns çekdi. Rustam Minnihanow, öz gezeginde, forumyň çäklerinde bu mowzuga bagyşlanan tegelek stoluň geçiriljekdigini belledi.
Tas takygy 2023-nji ýylyň 18-19-njy maýda Russiýanyň Kazan şäheri dünýädäki halal aşhanalaryň we senagatyň merkezine öwrüler. Yslam naharlaryny taýýarlamakda öňdebaryjy aşpezleriň bäsleşigi, iň täze önümleriň we hyzmatlaryň sergisi, dünýäniň 72 ýurdundan Halal pudagyndaky hünärmenleriň arasynda göni aragatnaşyk. Bularyň hemmesine «Russiýa – Yslam dünýäsi: Kazanforum 2023» XIV halkara ykdysady forumynyň geçiriljek ýerinde garaşylýar.
Forumyň 18-19-njy maýda geçiriljek esasy çäresi, halkara işewür gatnaşyklar we hyzmatdaşlygy ýola goýmak üçin meýdança bolan halkara standartyna laýyklykda Russiýanyň iň uly maýa goýum we infrastruktura taslamalar sergisi «Russiýa Halal Expo» bolar. Bu ýerde azyk we azyk däl önümler, lomaý we bölek söwda, inženerçilik, gurluşyk, moda we gözellik, maliýe we maýa goýum pudagyndaky halal hyzmatlar, syýahatçylyk, bilim, IT we saglygy goraýyş ýaly ugurlarda ýetilen sepgitler görkeziler.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.