Türkmenistanyň Bilim ministrliginiň guramagynda wagyz-nesihat çäresi geçirildi
Türkmenistanyň Bilim ministrliginiň guramagynda Türkmenistanyň Demokratik partiýasynyň Aşgabat şäher komitetiniň, Türkmenistanyň Milli Geňeşiniň Halk Maslahatynyň we Mejlisiniň, Türkmenistanyň Baş prokuraturasynyň, Türkmenistanyň Döwlet migrasiýa gullugynyň, Türkmenistanyň Ýokary kazyýetiniň, Türkmenistanyň Milli howpsuzlyk ministrliginiň, Türkmenistanyň Içeri işler ministrliginiň, Türkmenistanyň Senagatçylar we telekeçiler partiýasynyň, Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Kärdeşler arkalaşyklarynyň Milli geňeşiniň, Türkmenistanyň Gyzyl ýarymaý Milli jemgyýetiniň wekilleriniň gatnaşmagynda Hormatly Prezidentimiziň ýurdumyzda ruhy taýdan ösen, beden taýdan sagdyn, giň gözýetimli nesilleri terbiýeläp ýetişdirmekde, öňdebaryjy dünýä tejribesi esasynda nesillerimiz üçin häzirki zaman bilimlerini ele almakda, ylym we döredijilik bilen meşgullanmakda döredip berýän giň mümkinçiliklerini, berýän öwüt-nesihatlaryny talyp ýaşlara düşündirmek boýunça wagyz-nesihat çäresi geçirildi.
Duşuşyk ýaşlaryň arasynda tertip-düzgüni berjaý etmek, döwletiň we jemgyýetiň, ata-enäniň öňündäki borçlary, maşgala gatnaşyklary, sagdyn durmuş we ahlak ýörelgelerini ýaýbaňlandyrmak boýunça geçirildi. Wagyz-nesihat çäresinde Hormatly Prezidentimiziň alyp barýan syýasatlary, berýän öwüt-nesihatlary barada talyplara düşündirildi.
Gahryman Arkadagymyzyň tagallasy bilen Berkarar döwletimiziň bagtyýarlyk döwründe ýaşlar syýasatynyň giňden dabaralanmagy, hususan-da, Hormatly Prezidentimiziň Karary bilen tassyklanan “Türkmenistanda Ýaşlar baradaky döwlet syýasatynyň 2021-2025-nji ýyllar üçin Döwlet maksatnamasyndan” we ony amala aşyrmak boýunça ýerine ýetirilmeli çäreleriň Meýilnamasyndan gelip çykýan möhüm wezipeler we onuň milli ruhly ýaşlary kemala getirmekdäki orny, Gahryman Arkadagymyzyň sagdyn jemgyýeti kemala getirmek babatda durmuşa geçirýän özgertmeleri, ýurdumyzda kanun bozulmalaryň öňüni almak boýunça alnyp barylýan işler, talyp ýaşlar bilen geçirilýän okuw - terbiýeçilik işleriniň ähmiýeti, ýaş nesilde watansöýüjilik, ahlaklylyk, zähmetsöýerlik, halallyk, ynsaplylyk, janypkeşlik, adamkärçilik ýaly ajaýyp häsiýetleri terbiýelemek, ruhy-ahlak we maşgala gymmatlyklary, şeýle-de, ýaşlaryň jemgyýetçilik ýerlerinde özlerini alyp barmagyň kada-kanunlary, kanun bozulmalaryň öňüni almak, ýurdumyzyň şaýollarynda, köçelerinde ýol hereketiniň düzgünlerini berjaý etmek, ýaramaz endiklerden daşda durmak, ata - babalarymyzyň däp-dessurlaryna we milli ýörelgelerine eýermek, beýleki dini akymlaryndan daşda durmak, Intemet ulgamyndan ylym-bilim bilen baglanyşykly maksatlaýyn peýdalanmak ýaly meseleler dogrusynda nygtalyp geçildi. Şonuň ýaly-da, kämil ýaş nesli kemala getirmekde Gahryman Arkadagymyzyň jöwher paýhasyndan kemala gelen ajaýyp eserleriniň ähmiýetini bellediler.
Çäräniň ahyrynda Berkarar döwletimiziň bagtyýarlyk döwründe Garaşsyz Watanymyzy durmuş-ykdysady taýdan ösdürmekde alyp barýan tutumly işleri, ýaş nesli ylymly, bilimli we kämillik ruhunda terbiýelemekdäki durmuşa geçirýän özgertmeleri üçin Hormatly Prezidentimiziň adyna hoşallyk sözlerini aýtdylar.
Altyn MAGTYMOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary we diplomatiýa
kafedrasynyň mugallymy