Türkmenistan BMG-niň çözgüdini sport çäreleri bilen belleýär
Bilşimiz ýaly, şu ýylyň 25-nji oktýabrynda Türkmenistanyň Ministrler Kabinetiniň sanly ulgam arkaly geçirilen nobatdaky mejlisinde hormatly Prezidentimiz BMG-niň Baş Assambleýasynyň 78-nji sessiýasynda Türkmenistanyň başlangyjy bilen “Birleşen Milletler Guramasynyň oýunlary” atly çözgüdiniň kabul edilendigi barada belledi. Şunuň bilen baglylykda, döwlet Baş-
tutanymyz bu möhüm ähmiýetli Kararnamanyň kabul edilmegi mynasybetli 2-nji noýabrda sport çäresini geçirmegi, hemmeleriň bilelikde jemgyýet bolup, sagdyn durmuş ýörelgesine eýerip, Saglyk ýolundan geçmegini teklip etdi. “Bu çärede ýylyň dowamynda halkara ýaryşlarda gowy netije gazanyp, ýaşyl tugumyzy belentde parladan türgenlerimizi gazanan sport üstünlikleri bilen gutlalyň, mynasyp bolan sylaglaryny dabaraly ýagdaýda gowşuralyň!” diýip, hormatly Prezidentimiz nygtady.
Şeýle buýsançly habar mynasybetli 2024-nji ýylyň 2-nji noýabrynda Türkmenistanyň Daşary işler ministrliginiň Halkara gatnaşyklary institutynyň sport toplumynda hem talyp ýaşlaryň we mugallymlaryň gatnaşmagynda dabaraly sport çäresi geçirildi. Ol çärede sportuň gandbol, woleýbol, basketbol, futbol, stol tenisi, küşt, şaşka ýaly görnüşleri boýunça görkezme çykyşlary bilen çykyş edildi. Sport toplumynyň meýdançasynda geçirilen welosiped ýörişi bolsa ýaşlaryň sagdyn bedenli, sagdyn ruhly bolmagy ugrunda edilýän tagallalaryň netijesidigini subut etdi. Bedenterbiýäni we sporty ösdürmek ugrunda uly tagallalary edýän hormatly Prezidentimiziň jany sag, ömri uzak bolsun.
Resul TOÝGULYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukuk fakultetiniň II ýyl talyby.