“Türkmen keşdeçilik sungaty ÝUNESKO-nyň sanawynda” atly duşuşyk geçirildi
2023-nji ýylyň 19-njy maýynda Türkmenistanyň Daşary işler ministrliginiň Halkara gatnaşyklary institutynda institutyñ ilkinji Zenanlar guramasynyñ gurnamagynda zenan mugallymlar we talyp gelin -gyzlar bilen “Türkmen keşdeçilik sungaty ÝUNESKO-nyñ sanawynda” atly terbiýeçilik ähmiýetli wagyz-nesihat duşuşygy geçirildi. Duşuşygyñ dowamynda Türkmenistanyñ zenanlar bileleşiginiñ merkezi geñeşiniñ işjeñ agzasy, keşdeçi Orazjemal Geldiýewa we Türkmenistanyñ Döwlet Medeniýet merkeziniñ döwlet muzeýiniñ bölüm başlygynyñ orunbasary Bahartäç Rüstemowa, institutyň ilkinji Zenanlar guramasynyň başlygy Gyzylgül Gurbanmuhamedowa, institutyň Halkara ykdysady gatnaşyklary fakultetiniň 1-nji ýyl talyby Güljeren Ataýewa dagy çykyş edip, talyp gelin-gyzlara türkmen halkynyň keşdeçilik sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi, keşdeçilik sungatynyň milli medeni mirasymyzyň esasy bölegi bolup durýandygyny aýratyn belläp geçdiler. Duşuşygyñ ahyrynda myhmanlar Arkadagymyzyň, Arkadagly Serdarymyzyň medeni mirasymyzy, milliligimizi, sungatymyzy, däp-dessurlarymyzy gorap saklamakda we ösdürmekde alyp barýan ähli tutumly işleriniň rowaç bolmagyny arzuw etdiler.
Aýjahan GULHANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.