TALYBYMYZ TÜRKMENISTANYŇ ÇEMPIONY BOLDY
2026-njy ýylyň 16 – 18-nji fewraly aralygynda “Garaşsyz, baky Bitarap Türkmenistan – bedew batly at-myradyň mekany” ýyly mynasybetli Aşgabat şäherinde erkin göreşi boýunça 20 ýaşa çenli ýaşlaryň arasynda Türkmenistanyň Birinjiligi geçirildi. Bu ýaryşda Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň I ýyl talyby Selimgeldi Amangeldiýew 57 kg agram derejede çykyş edip, I orna mynasyp boldy.
Mundan öň hem Selimgeldi ýurdumyzyň ýokary okuw mekdepleriniň arasynda erkin göreşi boýunça geçirilen ýaryşda III orna, Aşgabat şäheriniň açyk çempionatynda bolsa I orna mynasyp bolupdy.
Öz inçe tilsimleri bilen gatnaşyjylaryň arasyndan saýlanyp, iň öňdäki orna mynasyp bolmagy başaran talyp ýoldaşymyz Selimgeldi Amangeldiýew Türkmenistanyň Bedenterbiýe we sport baradaky döwlet komitetiniň Hormat haty we medaly bilen sylaglandy. Biz hem öz gezegimizde talyp ýoldaşymyzy tüýs ýürekden gutlap, geljekde-de gadamynyň batly, üstünlikleriniň dowamly bolmagyny arzuw edýäris.
Sabina SETDAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara
žurnalistikasy fakultetiniň 1-nji ýyl talyby.