«SUW DIPLOMATIÝASY» UGRY BOÝUNÇA GEÇIRILEN OKUW SAPAGY
2023-nji ýylyň 26-njy aprelinde Türkmenistanyň Daşary işler ministrliginiň Halkara gatnaşyklary institutynda döredilen Türkmenistanyň diplomatiýasynyň möhüm ugurlary boýunça Okuw merkezinde “Suw diplomatiýasy” ugry boýunça okuw sapagy geçirildi. Ýurdumyzda hormatly Prezidentimiziň we Gahryman Arkadagymyzyň suw meseleleri boýunça başlangyçlaryna bagyşlan bu okuw sapagyny S.A.Nyýazow adyndaky Türkmen oba hojalyk uniwersitetiniň Gidrotehniki desgalary kafedrasynyň müdiri, professor, tehniki ylymlaryň kandidaty Italmaz Saparlyýew alyp bardy.
Hormatly professor okuw sapagynyň dowamynda Merkezi Aziýa sebitinde suwdan netijeli peýdalanmak boýunça alnyp barylýan işleriň ýaýbaňlandyrylyşy, suwy ulanmagyň netijeliligini ýokarlandyrmakda we bu ulgama ylymda we tehnologiýada täze gazanylanlary ornaşdyrmakda halkara hyzmadaşlygynyň ösdürilişi barada giňişleýin gürrüň berdi.
Talyplar sapakda özlerini gyzyklandyrýan sowallara giňişleýin jogap aldylar.
Daýanç ANNAÝEW,
Türkmenistanyň Daşary işler ministrliginiň
Halkara gatnaşyklary
institutynyň
Halkara hukugy fakultetiniň III ýyl talyby.