Şu gün — Bütindünýä metbugat azatlygy güni
Bu gün bütin dünýäde metbugat azatlygy güni bellenilýär. BMG-niň Baş Assambleýasynyň 1993-nji ýyldaky Kararnamasy esasynda bu sene her ýyl bellenilýär.
Bu sene mynasybetli ÝUNESKO we onuň hyzmatdaş guramalary dünýäde her ýyl dürli mowzuklarda çäreler geçirýärler. 2023-nji ýylyň mowzugy «Söz azatlygy — beýleki adam hukuklarynyň durmuşa geçirilmegine itergi beriji güýç» diýlip atlandyrylyp, žurnalistleriň, jemgyýetçilik wekilleriniň, alymlaryň gatnaşmagynda «Halkara metbugat azatlygy we howpsuzlyk» atly konferensiýa geçirilýär.
Şeýle hem, Bütindünýä metbugat azatlygy güni mynasybetli žurnalistleriň gatnaşmagynda erkin metbugatyň ösüşine goşan goşandy üçin kolumbiýaly žurnalist Gilýermo Kano adyndaky ÝUNESKO-nyň Bütindünýä baýragyny gowşurmak dabarasy geçirilýär.
Gültäç AGAMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.