Nobatdaky onlaýn maslahat
2024-nji ýylyň 31-nji maýynda Türkmenistanyň Döwlet energetika institutynda «ORCID, h-indeks, DOI, ResearchGate, Impact Factor ýaly görkezijiler barada tanyşdyryş» atly tema boýunça onlaýn görnüşde maslahat geçirildi. Oňa sanly ulgam arkaly Türkmenistanyň Daşary işler ministrliginiň Halkara gatnaşyklary institutynyň professor-mugallymlary hem gatnaşdylar.
Bu maslahat Türkmenistanyň Bilim ministrliginiň 2024-nji ýylyň 16-njy ýanwarynda tassyklan ýurdumyzyň ýokary okuw mekdeplerini dünýäniň abraýly ÝOM-yň sanawyna goşmak boýunça alnyp barylýan işleri kämilleşdirmek maksady bilen, halkara ylmy-tehniki maglumat çeşmeleri (platformalary), olarda indeksirlenýän žurnallarda makalalary çap etmek, dürli bibliometrik görkezijiler bilen bagly düşünjeleri artdyrmak boýunça okuw-usuly maslahatlary we seminarlary geçirmegiň Tertibine laýyklykda geçirildi.
Onlaýn maslahatda çykyş edenler täjirçilik we beýleki sosial ulgamlaryň aýratynlyklary, peýdaly taraplary barada gürrüň berdiler, şeýle-de gatnaşyjylar özlerini gyzyklandyrýan sowallar arkaly sorag-jogap alyşdylar.
Täzegül KULJIKOWA,
Türkmenistanyň Daşary işler ministrliginiň
Halkara gatnaşyklary institutynyň
Žurnalistikanyň nazaryýeti we amalyýeti kafedrasynyň mugallymy.