ŞÖHRATLY TARYHYM - GÖRELDE MEKDEBIM
2022-nji ýylyň 9-njy maýynda Türkmenistanyň Daşary işler ministrliginiň Halkara gatnaşyklary institutynda Jemgyýeti öwreniş ylymlary kafedrasynyň "Paýhas we parasat" gurnagynyň gurnamagynda "Şöhratly taryhym – görelde mekdebim" atly ylmy seminaryň çäginde "Žurnalistika - diplomatiýanyň dili" atly iňlis dilinde bäsleşik geçirildi. Bäsleşigiň dowamynda institutyň Jemgyýeti öwreniş ylymlary kafedrasynyň uly mugallymy Täçnabat Paýtykowa "Diplomata bildirilýän medeni-ahlak talaplar" atly temadan çykyş edip, talyplara ahlak kadalaryny berjaý etmekde edep-terbiýäniň, ýokary sowatlylygyň ähmiýeti dogrusynda nygtap geçdi. Şeýle-de institutyň Žurnalistikanyň amalyýeti we nazaryýeti kafedrasynyň mugallymy Jemile Pürjäýewa žurnalistikanyň inçe syrlary, žurnalistlere bildirilýän talaplar barada giňişleýin gürrüň berdi.
Gurnagyñ agzalary bäsleşigiň dowamynda öz taýýarlan nutuklary bilen çykyş edip, onuň täsirliligini has-da artdyrdy. Bäsläşigiň ahyrynda tapawutlanan talyplara minnatdarlyk bildirilip, ýadygärlik sowgatlar gowşuryldy.
Annagözel MEKANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 2-nji ýyl talyby