“SANLY YKDYSADYÝETDE MARKETING” ATLY YLMY SEMINAR GEÇIRILDI
Berkarar döwletiň täze eýýamynyň Galkynyşy döwrüniň Arkadag Serdarly bagtyýar ýaşlar ýylynda ähli ugurlar bilen birlikde sanly ykdysadyýetde marketing ulgamyny ösdürmek boýunça hem birnäçe işler ýerine ýetirilýär. 2023-nji ýylyň 27-nji dekabrynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň «Ýaş ykdysatçylar» ylmy gurnagynyň agzalarynyň we 1-nji ýyl talyplaryň gatnaşmagynda “Sanly ykdysadyýetde marketing” atly ylmy seminar geçirildi.
Ony Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy Perhat Çaryýew alyp bardy. Ylmy seminaryň dowamynda sanly ykdysadyýetde marketing ulgamynyň kemala gelmegi, onuň ösmegi we ykdysady syýasatymyzdaky orny hakynda talyplara giňişleýin maglumatlar berildi. Okuw sapagynyň dowamynda talyplar özlerini gyzyklandyrýan birnäçe sowallar bilen halypa mugallyma ýüzlenip, seminaryň has-da gyzykly geçmegine goşant goşdular.
Aýjeren GUTLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň II ýyl talyby.