Parahatçylygyň ýaş çaparlaryna umumy okuw sapagy geçirildi
2022-nji ýylyň 21-nji fewralynda Türkmenistanyň Daşary işler ministrliginiň Halkara gatnaşyklary institutynda “Parahatçylygyň ýaş çaparlary” akyl-paýhas bäsleşiginiň 2022-nji ýylyň 10-njy martynda geçiriljek I saýlama tapgyrynyň 5-nji oýnuna gatnaşyjylar bilen umumy okuw sapagy geçirildi. Bu okuw sapagynda Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň alym-kätibi, taryh ylymlarynyň kandidaty Kakajan Janbekow «Horezmşalar döwletiniň daşary syýasaty we diplomatik däpleri» atly tema boýunça çykyş etdi. Alym Beýik Ýüpek ýolunyň ugrunda ýerleşen beýik Horezmşalar döwletiniň taryhy, alyp baran içeri we daşary syýasaty, goňşy döwletler bilen gatnaşyklary barada giňişleýin gürrüň berdi. Sapagyň dowamynda “Parahatçylygyň ýaş çaparlary” akyl-paýhas bäsleşigine gatnaşyjy mekdep okuwçylary alyma geçilen tema boýunça özlerini gyzyklandyrýan sowallary bilen ýüzlendiler. Täsirli geçen bu okuw sapagyna akyl-paýhas bäsleşiginiň geçen tapgyrlarynyň ýeňijileri hem gatnaşdylar.
Ahal welaýatynyň Kaka etrabynyň
daşary
ýurt dillerine ýöriteleşdirilen 17-nji orta
mekdebiniň
11-nji synp okuwçysy,
Ýaş diplomatlar mekdebiniň agzasy.