«Parahatçylygyň ýaş çaparlary»: IV möwsümiň VII saýlama oýny geçirildi
2025-nji ýylyň 26-njy martynda Türkmenistanyň Daşary işler ministrliginiň
Halkara gatnaşyklary institutynda «Parahatçylygyň ýaş çaparlary» atly akyl-paýhas
bäsleşiginiň «Bitarap Türkmenistanyň parahatçylygy dörediji diplomatiýasy:
netijeli hyzmatdaşlygyň we durnukly ösüşiň ygtybarly guraly» atly umumy şygar
astynda geçirilýän IV möwsüminiň VII saýlama oýny geçirildi. Akyl-paýhas
bäsleşiginiň nobatdaky saýlama oýny «Türkmenistanyň suw diplomatiýasy: suw
damjasy – altyn dänesi, goňşyň goňşa hormatynyň manysy» atly tema
bagyşlanyldy.
«Parahatçylygyň ýaş çaparlary» atly akyl-paýhas bäsleşiginiň IV
möwsüminiň VII saýlama oýnuna Aşgabat şäherindäki 130-njy ýöriteleşdirilen
orta mekdebiniň 11-nji synp okuwçysy Aýbibi Kadyrowa, Aşgabat şäheriniň iňlis
dili çuňlaşdyrylyp öwredilýän ýöriteleşdirilen 135-nji orta mekdebiniň 10-njy synp
okuwçysy Dünýägözel Durdyýewa, Aşgabat şäheriniň ýöriteleşdirilen 16-njy orta
mekdebiniň 12-nji synp okuwçysy Medine Myratberdiýewa, Aşgabat şäheriniň
daşary ýurt dillerini çuňlaşdyryp öwredýän ýöriteleşdirilen 89-njy orta mekdebiniň
12-nji synp okuwçysy Oguzhan Serdarow, Aşgabat şäheriniň saz ugruna
ýöriteleşdirilen 42-nji orta mekdebiniň 11-nji synp okuwçysy Aýnur Resulowa,
Mary welaýatynyň Ýolöten etrabynyň 2-nji orta mekdebiniň 11-nji synp okuwçysy
Muhammet Mamedow, Mary welaýatynyň Murgap etrabynyň 36-njy orta
mekdebiniň 11-nji synp okuwçysy Aýgül Berdimyradowa, Daşoguz welaýatynyň
Daşoguz şäherindäki iňlis dili dersine ýöriteleşdirilen 29-njy orta mekdebiniň 12-
nji synp okuwçysy Seýdi Amandurdyýew dagy gatnaşdylar.
Akyl-paýhas bäsleşiginiň IV möwsüminiň VII saýlama oýnuna
«Pähimdarlar geňeşiniň» agzalary hökmünde Türkmenistanyň Daşary işler
ministrliginiň Halkara gatnaşyklary institutynyň Halkara gatnaşyklary we
diplomatiýa kafedrasynyň uly mugallymy, filosofiýa ylymlarynyň kandidaty
Begenç Karaýew, S.A.Nyýazow adyndaky Türkmen oba hojalyk uniwersitetiniň
Gidrotehniki desgalar kafedrasynyň mugallymy Parahat Hallyýew,
Türkmenistanyň Daşary işler ministrliginiň Halkara gatnaşyklary institutynyň
Halkara hukugy we deňeşdirme hukuk öwreniş kafedrasynyň uly mugallymy
Merjen Gurbannazarowa dagy adalatly eminlik etdiler.
Gyzgalaňly geçen bäsleşigiň netijelerine laýyklykda, Aşgabat şäheriniň
ýöriteleşdirilen 16-njy orta mekdebiniň 12-nji synp okuwçysy Medine
Myratberdiýewa we Aşgabat şäheriniň daşary ýurt dillerini çuňlaşdyryp öwredýän
ýöriteleşdirilen 89-njy orta mekdebiniň 12-nji synp okuwçysy Oguzhan Serdarow
ýeňiş gazanmagy başardylar.
Akyl-paýhas bäsleşiginiň IV möwsüminiň VII saýlama oýnuna
Türkmenistanyň Magtymguly adyndaky Ýaşlar guramasynyň Merkezi Geňeşi,
Türkmenistanyň Milli ýaý atyjylyk federasiýasy, «Abadan haly» açyk görnüşli
paýdarlar jemgyýeti hemaýatkärlik etdiler. Ýeňijiler we bäsleşige gatnaşyjylar
ýadygärlik sowgatlar bilen sylaglandylar. Şeýle-de olara institutymyzyň Hormat
hatlary gowşuryldy.
«Parahatçylygyň ýaş çaparlary» atly akyl-paýhas bäsleşiginiň IV
möwsüminiň VII saýlama oýny Türkmenistanyň Telewideniýe, radiogepleşikler
we kinematografiýa baradaky döwlet komitetiniň «Miras» teleradioýaýlymy hem-
de Türkmenistanyň Daşary işler ministrliginiň Halkara gatnaşyklary institutynyň
okuw studiýasy bilen bilelikde ýazgy edildi. Bäsleşik ýakyn günlerde «Miras»
teleýaýlymynda tomaşaçylara ýetiriler.
Yhlas HALLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby,
«Parahatçylygyň ýaş çaparlary» atly akyl-paýhas bäsleşiginiň
I we II möwsümleriniň ýeňijisi.