«Parahatçylygyň ýaş çaparlary» atly akyl-paýhas bäsleşiginiň IV möwsüminiň esasy tapgyrlary barada
2024-2025-nji okuw ýylynyň dowamynda «Bitarap Türkmenistanyň parahatçylygy dörediji diplomatiýasy: netijeli hyzmatdaşlygyň we durnukly ösüşiň ygtybarly guraly» atly umumy şygar astynda geçiriljek Türkmenistanyň Daşary işler ministrliginiň Halkara gatnaşyklary institutynyň düzümindäki Ýaş diplomatlaryň mekdebi tarapyndan gurnalýan «Parahatçylygyň ýaş çaparlary» atly hünäre ugrukdyryjy taslamanyň IV möwsüminiň esasy tapgyrlary barada
Däp bolşy ýaly, bäsleşige gatnaşmaga isleg bildiren mekdep okwçylaryny saýlap almak boýunça saýlama test synagy 2024-nji ýylyň 20-nji sentýabrynda (anna güni) geçiriler.
Test synagyndan üstünlikli geçen 64 okuwçy düzümi deň mukdardaky 8 sany topara bölüner we degişlilikde olar 8 sany saýlama oýunlaryna gatnaşarlar. Her saýlama oýnunuň netijesi boýunça 2 sany ýeňiji kesgitlener we olar ýarym final oýnuna gatnaşmaga hukuk gazanarlar. Saýlama oýunlary tamamlanansoň, 2 sany ýarym final oýny geçiriler we olara gatnaşmak üçin her biri 8 okuwçydan ybarat 2 topar emele geler. Ýarym final oýunlarynyň her birinden 4 ýeňiji kesgitlener we jemi 8 sany okuwçy final oýnuna çykar. Final oýnunda hem, däp bolşy ýaly, 1 Baş baýrak (Gran Pri), 1 Birinji orun, 2 ikinji orun we 4 sany üçünji orun üçin bäsleşik geçiriler. Ýeňijileri sylaglamak dabarasy Final oýnunyň yzysüre geçiriler. Ýokarda agzalan oýunlaryň temalary şu aşakdakylardan ybarat bolar:
| Tapgyry | Şygary |
1-nji saýlama oýun
| Türkmenistanyň daşary syýasaty we diplomatiýasy: şöhratly taryhdan geljege tarap
|
2-nji saýlama oýun
| Türkmenistanyň halkara başlangyçlary: parahatçylygyň, howpsuzlygyň we durnukly ösüşiň hatyrasyna hyzmatdaşlyga çagyryş
|
3-nji saýlama oýun
| Halkara gatnaşyklarynda bitaraplyk syýasaty: parahatçylygy dörediji dialogyň we öňüni alyş diplomatiýasynyň kuwwaty
|
4-nji saýlama oýun
| Türkmenistanyň medeni diplomatiýasy: milli we umumadamzat mirasynyň birleşdiriji güýji hereketde
|
5-nji saýlama oýun
| Türkmenistanyň ykdysady diplomatiýasy: milli rowaçlygyň, ählumumy abadançylygyň we durnukly ösüşiň hatyrasyna hyzmatdaşlygyň nusgasy
|
6-njy saýlama oýun
| Türkmenistanyň ulag diplomatiýasy: yklymlary birleşdiriji ýollaryň mizemez binýady
|
7-nji saýlama oýun
| Türkmenistanyň suw diplomatiýasy: suw damjasy – altyn dänesi, goňşyň goňşa hormatynyň manysy
|
8-nji saýlama oýun
| Türkmenistanyň ekologiýa diplomatiýasy: arassa daşky gurşawy goramak üçin halkara hyzmatdaşlygy
|
|
|
https://iirmfa.edu.tm/tm/media/parahatcylygyn-yas-caparlary-akyl-payhas-baslesiginin-iv-mowsuminin-anonsy_3639