«Parahatçylygyň ýaş çaparlary» atly akyl-paýhas bäsleşiginiň III möwsüminiň VIII saýlama oýny geçirildi
2024-nji ýylyň 29-njy martynda Türkmenistanyň Daşary işler ministrliginiň Halkara gatnaşyklary institutynda «Parahatçylygyň ýaş çaparlary» atly akyl-paýhas bäsleşiginiň III möwsüminiň VIII saýlama oýny geçirildi. «Beýik Magtymguly Pyragynyň taglymaty — umumadamzat gymmatlyklarynyň milli şamçyragy» atly umumy şygar astynda geçirilýän III möwsümiň VIII saýlama oýny «XVIII asyrda Hindistanyň daşary syýasaty we halkara gatnaşyklary» diýen tema boýunça geçirildi.
«Parahatçylygyň ýaş çaparlary» atly akyl-paýhas bäsleşiginiň III möwsüminiň VIII saýlama oýnuna Aşgabat şäheriniň 90-njy orta mekdebiniň 11-nji synp okuwçysy Gülşat Meredowa, Ahal welaýatynyň Sarahs etrabynyň 18-nji orta mekdebiniň 11-nji synp okuwçysy Eziz Suhanberdiýew, Mary şäherindäki iňlis dili we ynsançylyk ugurly okuw dersleri çuňlaşdyrylyp öwredilýän ýöriteleşdirilen welaýat mekdebiniň 11-nji synp okuwçysy Mergen Nurmyradow, Balkan welaýatynyň Balkanabat şäheriniň ýöriteleşdirilen 22-nji orta mekdebiniň 11-nji synp okuwçysy Jennet Keroglyýewa, Mary welaýatynyň Baýramaly şäheriniň daşary ýurt dillerine ýöriteleşdirilen 3-nji orta mekdebiniň 11-nji synp okuwçysy Gülbahar Ataýewa, Aşgabat şäherindäki 86-njy ýöriteleşdirilen orta mekdebiniň 11-nji synp okuwçysy Aýmyrat Kakaýew, Balkan welaýatynyň Balkanabat şäheriniň iňlis dili, fizika we matematika derslerine ýöriteleşdirilen 22-nji orta mekdebiniň 11-nji synp okuwçysy Şirin Rahmanberdiýewa, Mary welaýatynyň Sakarçäge etrabynyň Şatlyk şäherindäki takyk we tebigy ugurlardan ýöriteleşdirilen 43-nji orta mekdebiniň 11-nji synp okuwçysy Aýlar Gadamowa dagylar gatnaşdylar.
Akyl-paýhas bäsleşiginiň III möwsüminiň VIII saýlama oýnuna «Pähimdarlar geňeşiniň» agzalary hökmünde Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň uly mugallymy, filosofiýa ylymlarynyň kandidaty Begenç Karaýew, Türkmenistanyň Medeniýet ministrliginiň bölüm müdiri Baýramgeldi Çaryýew hem-de Döwletmämmet Azady adyndaky Türkmen milli dünýä dilleri institutynyň Pedagogika we psihologiýa kafedrasynyň uly mugallymy Şyhmustapa Hudaýberdiýew dagy adalatly eminlik etdiler.
Bäsleşik örän çekeleşikli we gyzykly ýagdaýda geçip, onuň netijelerine laýyklykda, sowallara dürs jogap bermekde has tapawutlanan Aşgabat şäherindäki 86-njy ýöriteleşdirilen orta mekdebiniň 11-nji synp okuwçysy Aýmyrat Kakaýew, Ahal welaýatynyň Sarahs etrabynyň 18-nji orta mekdebiniň 11-nji synp okuwçysy Eziz Suhanberdiýew dagy ýeňiji boldular. Ýeňijiler we bäsleşige gatnaşyjylar hemaýatkärler tarapyndan gymmat bahaly ýadygärlik sowgatlar bilen sylaglandylar. Şeýle-de olara institutyň adyndan Hormat hatlary gowşuryldy.
Bäsleşigiň III möwsüminiň VIII saýlama oýnuna Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty, Türkmenistanyň Magtymguly adyndaky Ýaşlar guramasynyň Merkezi Geňeşi, Türkmenistanyň Milli ýaý atyjylyk federasiýasy, Türkmenistanyň Senagatçylar we telekeçiler birleşmesi, «Abadan haly» açyk görnüşli paýdarlar jemgyýeti, «Aýdyň gijeler» hojalyk jemgyýeti, «Ýedi dogan» hususy kärhanasy, «Muhammet Balkan» hojalyk jemgyýeti, «Düwmejik» hususy kärhanasy, «Ak menzil» hususy kärhanasy, «Şerbetli Ak Gar» hojalyk jemgyýeti hemaýatkärlik etdiler.
«Parahatçylygyň ýaş çaparlary» atly akyl-paýhas bäsleşiginiň III möwsüminiň VIII saýlama oýny Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymy bilen Türkmenistanyň Daşary işler ministrliginiň Halkara gatnaşyklary institutynyň okuw studiýasy tarapyndan bilelikde ýazgy edildi. Bäsleşik ýakyn günlerde «Miras» teleýaýlymynda tomaşaçylara ýetiriler.
Kakageldi AKMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby,
«Parahatçylygyň ýaş çaparlary» atly
akyl-paýhas bäsleşiginiň I möwsüminiň ýeňijisi.
Bu barada şu ýerde hem okap bilersiňiz: