«Pähim-paýhas ummany Magtymguly Pyragy» atly halkara ylmy maslahatyň “Magtymguly – halklaryň dostluk köprüsi” atly bölümçesi geçirildi
2024-nji ýylyň 18-nji maýynda Türkmenistanyň Ylymlar akademiýasy daşary ýurt wekilleriniň, ýurdumyzdaky ýokary okuw mekdepleriň mugallymlarynyň we talyplarynyň gatnaşmagynda Magtymguly Pyragynyň 300 ýyllygy hem-de Türkmenistanyň Konstitusiýasynyň, Döwlet baýdagynyň güni mynasybetli “Pähim-paýhas ummany Magtymguly Pyragy« atly halkara ylmy maslahatyň umumy we jemleýji mejlislerini Türkmenistanyň Söwda-senagat edarasynda geçirildi. Bu halkara ylmy maslahaty öz işini bäş sany bölüm boýunça dowam etdirip, Türkmenistanyň Daşary işler ministrliginiň Halkara gatnaşyklary institutynda onuň “Magtymguly – halklaryň dostluk köprüsi” atly bäşinji bölümçesi geçirildi.
Halkara ylmy maslahata ýurdumyzyň professor-mugallymlary we ýaş alymlary bilen bir hatarda Birleşen Milletler Guramasynyň Bilim, ylym we medeniýet boýunça guramasynyň (UNESCO) hem-de Türki medeniýetiniň halkara guramasynyň (TÜRKSOÝ) wekilleri, Russiýa, Azerbaýjan, Türkiýe, Hytaý, Günorta Koreýa, Gyrgyz, Hindistan, Özbegistan, Yrak, Alžir, Eýran, Rumyniýa, Belarus, Gruziýa we beýleki daşary ýurtlardan alymlar, magtymgulyşynaslar işjeň gatnaşdylar.
Berkarar döwletiň täze eýýamynyň Galkynyşy döwründe Gahryman Arkadagymyzyň hem-de Arkadagly Gahryman Serdarymyzyň beýik başlangyçlary bilen Magtymguly Pyragynyň umumadamzat ähmiýetli döredijilik mirasyny öwrenmek we dünýä ýaýmak, medeni-ynsanperwer hyzmatdaşlygy has-da pugtalandyrmak babatynda bu halkara maslahatyň ähmiýeti örän uly boldy.
Güneş ÝAGMYROW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.