“ORTA GÜNDOGAR ÝURTLARYNYŇ YKDYSADYÝETLERINIŇ ÖSÜŞ AÝRATYNLYKLARY” ATLY OKUW MASLAHATY GEÇIRILDI
2025-nji ýylyň 21-nji ýanwarynda Türkmenistanyň Daşary işler ministrliginiň Halkara gatnaşyklary institutynda “Ýaş ykdysatçylar” ylmy gurnagynyň agzalarynyň gatnaşmagynda “Orta Gündogar ýurtlarynyň ykdysadyýetleriniň ösüş aýratynlyklary” atly okuw maslahaty geçirildi.
Okuw maslahaty institutymyzyň Halkara ykdysady gatnaşyklary kafedrasynyň uly mugallymy Perhat Çaryýew alyp bardy. Maslahatda Orta Gündogar ýurtlarynyň ykdysadyýetleriniň ösüş aýratynlyklary we Türkmenistan bilen Orta Gündogar ýurtlarynyň arasynda alnyp barylýan ykdysady gatnaşyklar hakynda gürrüň edildi. Şeýle hem mugallym talyp ýaşlara Owganystan ̶ Türkmenistan ̶ Azerbaýjan ̶ Gruziýa ̶ Türkiýe ulag geçelgesiniň ykdysady ähmiýeti barada degerli maglumatlary aýdyp berdi. Talyplar özlerini gyzyklandyrýan soraglara jogap tapdylar we öz bilimlerini artdyrdylar.
Gülaýym BAKYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň I ýyl talyby.