Onlaýn usuly-okuw maslahaty geçirildi
2025-nji ýylyň 11-nji iýunynda Halkara ynsanperwer ylymlary we ösüş uniwersitetinde «Halkara indekslenýän žurnallarda ylmy makalalary çap etmek: ýazmak, tabşyrmak we üstünlikli geçirmek boýunça amaly maslahatlar» atly tema boýunça onlaýn usuly-okuw maslahaty geçirildi. Oňa ýurdumyzyň ýokary okuw mekdepleriniň, şol sanda Türkmenistanyň Daşary işler ministrliginiň Halkara gatnaşyklary institutynyň mugallymlary we hünärmenleri onlaýn arkaly gatnaşdylar. Onlaýn usuly-okuw maslahatynyň esasy maksady hem-de abraýly halkara ylmy-tehniki maglumat çeşmelerinde indekslenýän žurnallarda makalalaryň çap edilmegini utgaşdyrmak boýunça 2025-nji ýyl üçin taýýarlanan «Ýol kartasynda» göz öňünde tutulan çäreleri durmuşa geçirmekden ybarat boldy.
Şeýle okuw maslahatlarynyň geçirilmeginiň halkara ylmy-tehniki maglumat çeşmelerini öwrenmekde, olarda indekslenýän žurnallarda makalalary çap etdirmek, dürli bibliometrik görkezijiler bilen bagly düşünjeleri artdyrmakda möhüm ähmiýeti bar.
Adalat ŞAMURZAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.