Onlaýn arkaly geçirilen okuw sapagy
2021-nji ýylyň 30-njy noýabrynda Merkezi Aziýa-nyň sebitleýin ekologiýa merkeziniň (CAREC) «Suw – Energiýa – Azyk – Daşky gurşaw» özara baglanyşygynyň çemeleşmesini öňe sürmegiň strategiýasy boýunça göni wideoaragatnaşyk arkaly ilkinji okuw sapagy geçirildi. Bu okuw sapagy USAID-iň Sebitleýin Suw we Daşky Gurşaw Taslamasy, Merkezi Aziýanyň sebitleýin ekologiýa merkezi (CAREC) bilen hyzmatdaşlykda guraldy. Oňa USAID-iň sebitleýin suw we daşky gurşaw taslamasynyň we CAREC-iň hünärmenleri, Türkmenistanyň ýokary okuw mekdepleriniň, şol sanda Türkmenistanyň Daşary işler ministrliginiň Halkara gatnaşyklary institutynyň mugallymlary, Türkmenistanyň Suw hojalygy baradaky döwlet komitetiniň wekilleri we başga-da birnäçe bilermenler we toparlar gatnaşdy.
Okuwyň esasy maksady suw serişdeleriniň halkara hukuk esaslaryny, halkara suw hukugynyň emele gelmeginiň aýratynlyklaryny, onuň esasgoýujy ýörelgelerini açyp görkezmekden ybarat boldy. Çäräniň dowamynda oňa gatnaşanlar halkara suw hukugynyň çygrynda kabul edilen halkara konwensiýalaryna döwletleriň goşulmagy baradaky maglumatlar bilen tanyşdyryldy. Sapagyň ahyrynda indiki geçiriljek okuwlaryň temalary taraplaryň pikir alyşmagy esasynda ara alnyp maslahatlaşyldy.
Ýakubmyrat AŞYROW,
Türkmenistanyň Daşary işler ministrliginiň
Halkara gatnaşyklary institutynyň
Halkara hususy hukugy hünäriniň magistranty.