NOBATDAKY OKUW SAPAGY GEÇIRILDI
2024-nji ýylyň 21-nji noýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň guramagynda «CASCA + multimodal ulag ugrunda halkara hyzmatdaşlygynyň mümkinçilikleri» atly okuw sapagy geçirildi. Bu okuw sapagyny Türkmenistanyň Senagatçylar we telekeçiler partiýasynyň agzasy, «Dostluk menzili» hojalyk jemgyýetiniň direktory Merdan Ataýew alyp bardy.
Okuw sapagynyň dowamynda «Aziýa — Ýuwaş umman sebitiniň ýurtlary — Hytaý — Gyrgyzystan — Özbegistan — Türkmenistan — Azerbaýjan — Gruziýa — Türkiýe — Ýewropa» (CASCA+) halkara multimodal onlaýn platformanyň ykdysady ähmiýeti barada gürrüň edildi. Şeýle-de magistrantlar we talyplar özlerini gyzyklandyrýan soraglaryna jogap tapdylar hem-de ulag diplomatiýasy baradaky bilimlerini artdyrdylar.
Zeýnep TAGANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.