MILLI YKDYSADYÝETIMIZ DURNUKLY ÖSÜŞIŇ ÝÖRELGELERI ESASYNDA KÄMILLEŞÝÄR
2025-nji ýylyň 7-nji maýynda Türkmenistanyň Daşary işler ministrliginiň Halkara gatnaşyklary institutynyň Durnukly ösüş maksatlary boýunça ylmy-usulyýet merkeziniň utgaşdyryjysy, Halkara ykdysady gatnaşyklary kafedrasynyň mugallymy Nazar Meredow institutymyzyň talyplarynyň gatnaşmagynda fakultatiw okuw sapagyny geçirdi.
Türkmenistan şu günki gün maýa goýum-senagat taýdan işjeň ösyän, açyk ykdysadyýeti bolan döwletleriň hataryna degişlidir. JIÖ-niň ösüşiniň netijelerine görä, Türkmenistan dünýä boýunça ykdysadyýeti depginli ösýän ýurtlaryň hatarynda öz mynasyp ornuny eýeledi. Bütindünýä banky ýaly abraýly halkara institutlaryň baha bermegine görä, Türkmenistan ortaça derejeden ýokary girdejili ýurt hökmünde ykrar edildi. Döwlete degişli däl bölegiň maýa goýum taslamalaryna işjeň gatnaşmagy milli ykdysadyýetiň ösüşiniň möhüm ugurlarynyň biri bolup durýandygyny belläp geçdi.
Okuw sapagy talyplar üçin örän täsirli bolup, olar özlerini gyzyklandyrýan sowallaryna jogap aldylar.
Mähriban MÄMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.