31/01/2024
780
Milli Liderimiziň ýapon diline terjime edilen «Ömrümiň manysynyň dowamaty» atly kitabynyň tanyşdyrylyş dabarasy geçirildi
Berkarar döwletiň täze eýýamynyň Galkynyşy döwründe Gahryman Arkadagymyzyň, hormatly Prezidentimiziň taýsyz tagallalary netijesinde Türkmenistan bilen Ýaponiýanyň arasynda ylym-bilim gatnaşyklary günsaýyn ösdürilýär. Bilşimiz ýaly, 2024-nji 22-nji ýanwarynda Ýaponiýanyň Tokio şäheriniň «New Otani» myhmanhanasynda Türkmenistanyň Daşary işler ministrliginiň Halkara gatnaşyklary institutynyň rektory J.Gurbangeldiýew bilen Ýaponiýanyň Soka uniwersitetiniň prezidenti Masaşi Suzuki hem-de şol uniwersitetň professor-mugallymlarynyň arasynda duşuşyk
eçirildi. Şol duşuşygyň ahyrynda, Türkmenistanyň Daşary işler ministrliginiň Halkara gatnaşyklary instituty bilen Ýaponiýanyň Soka uniwersitetiniň arasynda özara düşünişmek hakynda gol çekildi.
Türkmenistanyň wekiliýetiniň Ýaponiýa amala aşyran saparynyň yzysüre, ýagny 2024-nji ýylyň 31-nji ýanwarynda türkmen halkynyň Milli Lideri, Türkmenistanyň Halk Maslahatynyň Başlygy Gahryman
Arkadagymyzyň «Ömrümiň manysynyň dowamaty» atly kitabynyň Ýaponiýanyň Sukuba uniwersitetiniň professor-mugallymlary tarapyndan ýapon diline terjime edilen hem-de çapdan çykarylan eseriniň tanyşdyrylyş
dabarasy Türkmenistanyň Oguz han adyndaky Inžener-tehnologiýalar uniwersitetiniň gurnamagynda geçirildi. Ýaponiýanyň Sukuba uniwersiteti bilen
bilelikde onlaýn görnüşinde geçirilen bu dabara ýurdumyzyň ähli ýokary
okuw mekdepleri bilen bir hatarda Türkmenistanyň Daşary işler ministrliginiň Halkara gatnaşyklary institutynyň professor-mugallymlary, talyp ýaşlary hem gatnaşdylar. Onuň dowamynda çykyş edenler Milli Liderimiziň «Ömrümiň manysynyň dowamaty» kitabynyň many-mazmuny boýunça özboluşly bolup, täze neşiriň temalarynyň we gahrymanlaryň dürlüligi, diliň baýlygy we düşnükliligi, halk sungatynyň meşhur sözleriniň ulanylyşy bilen tapawutlanýandygyny buýsanç bilen bellediler. Bularyň hemmesi türkmenleriň baý ruhy dünýäsine düşünmek üçin açar bolup hyzmat etjek eseriň gymmatynyň we ähmiýetiniň ýokarlanýandygyny buýsanç bilen bellediler. Dünýäniň dürli dillerine terjime edilen «Ömrümiň manysynyň dowamaty» atly kitabyň ýapon okyjylaryna gowuşmagy bilen tüýs ýürekden gutladylar.
Suraý AKMYRADOWA,
Türkmenistanyň Daşary işler
ministrliginiň
Halkara gatnaşyklary
institutynyň
Jemgyýeti öwreniş
ylymlary kafedrasynyň mugallymy.