«MERKEZI AZIÝANYŇ DÖWLET BAŞTUTANLARYNYŇ KONSULTATIW DUŞUŞYKLARYNYŇ» YKDYSADY ÄHMIÝETI BARADA OKUW SEMINARY GEÇIRILDI
2026-njy ýylyň 27-nji iýunynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň «Ýaş ykdysatçylar» ylmy gurnagynyň guramagynda «Merkezi Aziýanyň döwlet Baştutanlarynyň konsultatiw duşuşyklarynyň» ykdysady ähmiýeti barada okuw seminary geçirildi. Oňa Halkara ykdysady gatnaşyklary fakultetiniň talyplary gatnaşdylar.
Okuw seminaryny Halkara ykdysady gatnaşyklary kafedrasynyň uly mugallymy M.Mämedowa alyp bardy. Sapagyň dowamynda Merkezi Aziýa döwletleriniň arasyndaky köptaraplaýyn hyzmatdaşlygyň täze strategik tapgyra gadam basandygy, aýratyn-da, hormatly Prezidentimiziň konsultatiw duşuşyklarda öňe süren möhüm başlangyçlarynyň ykdysady ähmiýeti barada giňişleýin düşündirildi.
Okuw sapagy täsirli bolup, talyplar özlerini gyzyklandyrýan sowallara giňişleýin jogap aldylar.
Myrat MAKSADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 2-nji ýyl talyby