Malaýa uniwersiteti bilen geçirilen onlaýn maslahat
2022-nji ýylyň 11-nji maýynda Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň hem-de Malaýziýanyň Malaýa uniwersitetiniň mugallymlarynyň gatnaşmagynda wideoaragatnaşyk arkaly maslahat geçirildi. Duşuşygyň başynda taraplar bu ýokary okuw mekdepleriniň alyp barýan ylym-bilim we okuw-terbiýeçilik işleri barada tanyşdylar.
Duşuşykda döwletleriň arasynda ylym-bilim pudagynda hyzmatdaşlygy alyp barmak we geljekde taraplaryň arasyndaky hyzmatdaşlygy has-da ösdürmek barada pikir alyşdylar.
Türkmenistanyň Daşary işler ministrliginiň Halkara gatnaşyklary institutynyň we Malaýziýanyň Malaýa uniwersitetiniň professor mugallymlarynyň arasynda tejribe alyşmaklygy göz öňüne tutdylar. Şeýle duşuşyklaryň geçirilmegi Türkmenistanda köptaraplaýyn diplomatiýanyň ösmegine hem-de döwletiň alyp barýan esasy ýörelgeleriniň aýdyň mysalydyr.
Şamyrat AŞYRMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.