«Magtymguly Pyragynyň parahatçylyk taglymaty» atly onlaýn test bäsleşigiň jemi jemlendi
2024-nji ýylyň 18-nji martynda Türkmenistanyň Daşary işler ministrliginiň Halkara gatnaşyklary institutynda Ýaş diplomatlar mekdebiniň agzalarynyň, ýurdumyzyň 10-11-nji synp okuwçylarynyň arasynda Magtymgulynyň hoşniýetli goňşuçylyk baradaky şygyrlaryna bagyşlanan «Magtymguly Pyragynyň parahatçylyk taglymaty» atly onlaýn test bäsleşiginiň jemi jemlendi.
Bäsleşige ýurdumyzyň orta mekdeplerinden 516 okuwçy gatnaşdy. Bäsleşigiň jemleri boýunça baş baýraga Mary welaýatynyň Sakarçäge etrabynyň daşary ýurt dillerine ýöriteleşdirilen 35-nji orta mekdebiniň 11-nji synp okuwçysy Aýgül Sähedowa, 1-nji orna Mary welaýatynyň Murgap etrabynyň 36-njy orta mekdebiniň 11-nji synp okuwçysy Nurtäç Geldimyradowa, 2-nji orna Mary welaýatynyň Ýolöten etrabynyň 40-njy orta mekdebiniň 11-nji synp okuwçysy Gülzada Babahanowa, Lebap welaýatynyň Türkmenabat şäheriniň 2-nji orta mekdebiniň 11-nji synp okuwçysy Maksat Myradow, 3-nji orna Mary welaýatynyň Ýolöten etrabynyň 40-njy orta mekdebiniň 11-nji synp okuwçysy Merjen Nuryýewa, Balkan welaýatynyň Balkanabat şäheriniň 22-nji orta mekdebiniň 11-nji synp okuwçysy Zeýnep Geldiýewa, Aşgabat şäheriniň dil derslerini çuňlaşdyryp öwredýän 87-nji orta mekdebiniň 11-nji synp okuwçysy Maksat Alymbaýew Türkmenistanyň Daşary işler ministrliginiň Halkara gatnaşyklary institutynyň hormat hatlary we Türkmenistanyň Magtymguly adyndaky Ýaşlar guramasynyň Merkezi Geňeşiniň taýýarlan sowgatlary bilen sylaglandylar.
Aýgül SÄHEDOWA,
Mary welaýatynyň Sakarçäge etrabynyň daşary
ýurt dillerine ýöriteleşdirilen
35-nji orta
mekdebiniň 11-nji synp okuwçysy.