“Magtymguly Pyragynyň parahatçylyk taglymaty” atly onlaýn test bäsleşigi
Ýaş Diplomatlar mekdebiniň agzalarynyň, “Parahatçylygyň ýaş çaparlary” akyl paýhas bäsleşigine gatnaşyjylarynyň hem-de ýurdumyzyň ähli mekdep okuwçylarynyň arasynda Magtymgulynyň hoşniýetli goňşuçylyk baradaky şygyrlaryna bagyşlanan test olimpiadasyny geçirmek barada
DÜZGÜNNAMA
Türkmenistanyň Prezidenti tarapyndan tassyklanan “Türkmenistanda sanly bilim ulgamyny ösdürmegiň Konsepsiýasynda we ony durmuşa geçirmegiň Meýilnamasynda”, “Türkmenistanda ylym ulgamyny 2020 – 2025-nji ýyllarda sanly ulgama geçirmegiň Maksatnamasynda”, “Türkmenistanda umumybilim berýän mekdepleriň V, VIII, IX, X, XI, XII synplary üçin Türkmenistanyň taryhy dersi boýunça okuw maksatnamasynda”, “Türkmenistanda umumybilim berýän mekdepleriň V-XII synplary üçin edebiýat dersi boýunça okuw maksatnamasynda” ylym-bilim işgärleriniň öňünde goýlan wezipelerden ugur alyp, zehinli ýaşlary ýüze çykarmak we höweslendirmek, olaryň okuw dersleri boýunça bilimlerini çuňlaşdyrmak, ýurdumyzda bilim ulgamyny ösdürmek bilen bagly bilim-terbiýeçilik işlerini kämilleşdirmek, orta we ýokary okuw mekdepleri bilen netijeli aragatnaşygy ýola goýmak, ýaşlary hünäre ugrukdyrmak maksady bilen, Türkmenistanyň Daşary işler ministrliginiň Halkara gatnaşyklary institutynda 2024-nji ýylyň 6-njy martynda ýurdumyzyň orta mekdepleriniň 10-11-nji synp okuwçylarynyň arasynda “Magtymguly Pyragynyň parahatçylyk taglymaty” atly onlaýn test bäsleşigini geçirmek boýunça şu Düzgünnama işlenilip düzüldi.
1. Umumy düzgünler
1.1. Şu Düzgünnama ýurdumyzyň 10-11-nji synp mekdep okuwçylarynyň arasynda Magtymguly Pyragynyň hoşniýetli goňşuçylyk baradaky şygyrlaryna bagyşlanan bäsleşigi guramagyň we geçirmegiň kadalaşdyryjy resminamasy bolup, bu bäsleşigi geçirmegiň düzgünlerini kesgitleýär.
1.2. Bäsleşigiň esasy maksady Ýaş Diplomatlar mekdebiniň agzalarynyň, “Parahatçylygyň ýaş çaparlary” akyl paýhas bäsleşigine gatnaşyjylaryň hem-de ýurdumyzyň 10-11-nji synp okuwçylarynyň arasynda bilimli ýaşlary ýüze çykarmakdan ybaratdyr.
1.3 Bäsleşigiň guraýjysy hökmünde Türkmenistanyň Daşary işler ministrliginiň Halkara gatnaşyklary institutynyň Ýaş Diplomatlar mekdebi çykyş edýär.
1.4. Bäsleşigi geçirmegiň möhletleri we şertleri şu Düzgünnamada kesgitlenilýär hem-de bu maglumatlar Institutyň resmi web-saýtynda (iirmfa.edu.tm) ýerleşdirilýär.
2. Bäsleşigi geçirmegiň maksatlary we wezipeleri
2.1. Ýaş Diplomatlar mekdebiniň agzalarynyň, “Parahatçylygyň ýaş çaparlary” akyl paýhas bäsleşigine gatnaşyjylaryň hem-de ýurdumyzyň ähli mekdep okuwçylarynyň Magtymguly Pyragynyň parahatsöýüjilik, dost-doganlyk, döwrüň wakalaryny öz içine alýan goşgularynyň üsti bilen okuwçy ýaşlarda watansöýüjilik, ruhubelentlik, ahlaklylyk duýgularyny terbiýelemek.
2.2. Magtymguly Pyragynyň goşgularynyň üsti bilen häzirki wagtda Berkarar döwletimiziň alyp barýan daşary syýasatynyň many-mazmunyny düşündirmek.
2.3. Ýurdumyzyň orta mekdepleriniň okuwçylarynyň arasynda aýratyn zehinli ýaşlary ýüze çykarmak, olary goldamak üçin şertleri döretmek, ýaşlaryň arasynda ylmy-bilimi ýaýratmak we öňe sürmek.
2.4. Ýurdumyzyň orta mekdepleriniň okuwçy ýaşlaryny mundan beýläk-de bilimlerini kämilleşdirmäge höweslendirmek we döredijilige ruhlandyrmak.
2.5. Ýurdumyzyň orta mekdepleriniň okuwçylarynyň arasynda daşar syýasat bilen gyzyklanýan ýaşlary ýüze çykarmak.
3. Bäsleşigi guramagyň we geçirmegiň tertibi
3.1. Bäsleşige Türkmenistanyň orta mekdepleriniň 10-11-nji synp okuwçylary gatnaşyp bilerler.
3.2. Okuwçylar barada soralýan maglumatlary şu Düzgünnama goşulýan 1-nji Goşundydaky nusga laýyklykda 2024-nji ýylyň 20-nji fewralyna çenli Düzgünnamada görkezilen elektron salga ugratmalydyr. 27.02.2024 senä çenli ugradylan elektron-poçtalara gatnaşyja login-parol iberiler.
3.3.Bäsleşigiň resmi dili türkmen dilidir.
3.4. Bäsleşigi geçirmek üçin institut tarapyndan Guramaçylyk topary döredilýär.
3.5. Bäsleşik onlaýn test görnüşden ybarat bolar. Bäsleşige gatnaşyjylara 100 sany sorag bolan test soraglary berler.
3.6. Bäsleşikde ýokary netijeleri gazanan okuwçylar ýeňiji diýlip yglan ediler (sanawy institutyň web-saýtynda ýerleşdiriler).
4. Bäsleşigi guraýjylar bilen habarlaşmak üçin maglumatlar
Goşundy 1.
Bäsleşige gatnaşmak üçin hödürlenilýän okuwçylar barada Guramaçylyk toparyna berilmeli maglumatlaryň nusgasy.
T/b
| Familiýasy, ady we atasynyň ady
| Suraty
| Doglan ýyly
| Ýaşaýan ýeri
| Mekdebi
| Synpy
| Öý telefon belgisi
| El telefon belgisi
| Elektron poçtasy
|
1
| Ataýew Ata Ataýewiç
| 3x4
| 19.02.2008ý.
| Aşgabat şäher Aga Berdiýew köç. jaý 33
| № 6
| 11
| 223344
| +99365656565
| aman@gmail.com
|
Guramaçylyk topary
Tel.: +99364037176
E-poçta: akmyradowasuray03@gmail.com
Edebiýatlaryň sanawy:1. Gurbanguly Berdimuhamedow
Älem içre at gezer. Roman.- Aşgabat: Türkmen döwlet neşirýat gullugy, 2011.
2. Gurbanguly Berdimuhamedow
Döwlet guşy. Roman.- Aşgabat: Türkmen döwlet neşirýat gullugy, 2013.
3. Berdimuhamedow S.
Ýaşlar- Watanyň daýanjy. – A.: Türkmen döwlet neşirýat gullugy, 2023.
4. Amansähedow M. we başg.
Edebiýat. Umumy orta bilim berýän mekdepleriň V synpy üçin okuw kitaby. – A.: Türkmen döwlet neşirýat gullugy, 2017.
5. Ýazymow O. we başg.
Edebiýat.Umumy orta bilim berýän mekdepleriň VI synpy üçin okuw kitaby. – A.: Türkmen döwlet neşirýat gullugy, 2018.
6. Küllekow Ş. we başg.
Edebiýat. Umumy orta bilim berýän mekdepleriň VII synpy üçin okuw kitaby. – A.: Türkmen döwlet neşirýat gullugy, 2019.
7. Geldiýew G., Mämmetgurbanow M.
Edebiýat. Umumy orta bilim berýän mekdepleriň VIII synpy üçin okuw kitaby. - A.: Türkmen döwlet neşirýat gullugy, 2020.
8. Geldiýew G.
Edebiýat. Umumy orta bilim berýän mekdepleriň IX synpy üçin okuw kitaby. – A.: Türkmen döwlet neşirýat gullugy, 2016.
9. Allakow J. we başg.
Edebiýat. Umumy orta bilim berýän mekdepleriň X synpy üçin okuw kitaby. – A.: Türkmen döwlet neşirýat gullugy, 2018.
10. Allakow J. we başg.
Türkmen edebiýaty. Umumy orta bilim berýän mekdepleriň rus dilinde okadylýan XI synpy üçin synag okuw kitaby. – A.: Türkmen döwlet neşirýat gullugy, 2014.
11. Nuryýew A., Moşew M.
Türkmenistanyň taryhy. XVII–XX asyrlar. Umumy orta bilim berýän mekdepleriň IX synpy üçin okuw kitaby. - A.: Türkmen döwlet neşirýat gullugy, 2017.
Test synaglary