“INNOWASIÝALAR, PARAHATÇYLYK, DURNUKLY ÖSÜŞ” ATLY YLMY-AMALY MASLAHAT
2025-nji ýylyň 11-12-nji iýunynda Türkmenistanyň Oguz han adyndaky Inžener-tehnologiýalar uniwersitetiniň guramagynda utgaşykly görnüşinde “Innowasiýalar, parahatçylyk, durnukly ösüş” atly ylmy-amaly maslahat geçirildi. Bu ylmy-amaly maslahata ýurdumyzyň ýokary we orta hünär okuw mekdepleriniň professor-mugallymlary we talyp ýaşlary onlaýn arkaly gatnaşdylar.
Onda bellenilişi ýaly, Türkmenistan özüniň oňyn daşary syýasatyny alyp barmakda BMG-niň Tertipnamasynda berkidilen dostlukly gatnaşyklara hormat goýmak, bütin dünýäde parahatçylygy we durnukly ösüşi berkarar etmek ýaly ýörelgelere esaslanýar.
Bu ylmy-amaly maslahatda çykyş edenler ýurdumyzyň ösüşlerinde ylym we innowasiýa ulgamynda gazanylýan üstünlikler hem-de Gahryman Arkadagymyzyň, Arkadagly Gahryman Serdarymyzyň ylmy öňegidişlige, innowasion ilerlemelere we ykdysady netijelilige berýän ägirt uly ünsüniň oňyn netijesidigini aýratyn bellediler.
Mariýa GOWOROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 1-nji ýyl talyby.