ILÇI BILEN GEÇIRILEN OKUW SAPAGY
Türkmenistanyň daşary ýurtlardaky diplomatik wekilhanalaryň
ýolbaşçylarynyň Türkmenistanyň Daşary işler ministrliginiň Halkara gatnaşyklary
institutynyň talyplary üçin okuw sapaklarynyň meýilnamasyna laýyklykda, 2024-
nji ýylyň 17-nji dekabrynda Türkmenistanyň Daşary işler ministrliginiň Halkara
gatnaşyklary institutynda Türkmenistanyň diplomatiýasynyň möhüm ugurlary
boýunça okuw merkeziniň «Ulag diplomatiýasy» ugry boýunça Türkmenistanyň
Fransiýa Respublikasyndaky Adatdan daşary we Doly ygtyýarly Ilçisi Maksat
Çaryýewiň alyp barmagynda okuw sapagy geçirildi. Okuw sapagyna institutyň
mugallymlary we talyp ýaşlary gatnaşdylar.
Ilçi okuw sapagynyň dowamynda häzirki wagtda Türkmenistanyň we Fransiýa
Respublikasynyň arasyndaky gatnaşyklar we halkara guramalarynyň çäklerindäki
hyzmatdaşlyk, özara hormat goýmak, dostluk we birek-biregiň bähbitlerini nazara
almak ýörelgelerine esaslanýan türkmen-fransuz gatnaşyklaryň giň gerimi boýunça
ösdürilýändigi hem-de iki dostlukly döwletiň strategik hyzmatdaşlygy hil taýdan
täze derejä çykarylýandygy barada giňişleýin gürrüň berdi. Şeýle hem Ilçi
Türkmenistanyň parahatçylygyň, strategik hem-de sebit durnuklylygynyň berkarar
bolmagyna hemmetaraplaýyn ýardam edilmegine, halklaryň howpsuz we durnukly
ösüşi üçin şertleriň döredilmegine gatnaşyklaryň baş ugry hökmünde garaýandygy
barada hem belledi. Okuw sapagy talyplar üçin örän täsirli bolup, olar özlerini
gyzyklandyrýan sowallaryna jogap aldylar.
Oraztäç ÇAPAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň
4-nji ýyl talyby.