IKI DÖWLETIŇ ÝOKARY OKUW MEKDEPLERINIŇ ARASYNDA GEÇIRILEN WIDEOŞEKILLI MASLAHAT
2024-nji ýylyň 7-nji fewralynda Russiýa Federasiýasynyň Kazan (Priwolžsk) Federal uniwersitetiniň we Türkmenistanyň Daşary işler ministrliginiň Halkara gatnaşyklary institutynyň arasynda onlaýn duşuşygy geçirildi. Oňa iki ýurduň ýokary okuw mekdepleriniň ýolbaşçylary we wekilleri gatnaşdylar. Duşuşygyň başynda taraplar bu ýokary okuw mekdepleriniň alyp barýan ylym-bilim, okuw-terbiýeçilik işleri bilen özara tanyşdylar. Maslahatyň dowamynda geljekde okuw maslahatlaryny bilelikde guramak, ylmy-amaly barlaglary geçirmek, akademiki çärelere gatnaşmak üçin özara çakylyklary, makalalary, okuw we görkezme gollanmalaryny, okuw maksatnamalaryny alyşmak ýaly ugurlarda hyzmatdaşlygy has-da ösdürmegiň meseleleri ara alnyp maslahatlaşyldy.
Merdan BERDINYÝAZOW,
Türkmenistanyň Daşary işler ministrliginiň
Halkara gatnaşyklary institutynyň uly mugallymy