II Açyk Halkara informatika olimpiýadasynyň netijesi
2024-nji ýylyň 15-20-nji aprelinde Ýagşygeldi Kakaýew adyndaky Halkara nebit we gaz uniwersitetinde ýurdumyzyň we daşary ýurtlaryň ýokary okuw mekdepleriniň talyplarynyň gatnaşmagynda II Açyk Halkara informatika olimpiýadasy (OIOIUS-2024) hem-de olimpiýadanyň çäginde oňa gatnaşyjylaryň arasynda “Berkarar döwletiň täze eýýamynyň Galkynyşy döwründe talyp ýaşlaryň ylmy garaýyşlary” atly halkara ylmy-amaly maslahat we sergi geçirildi. Oňa Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 4-nji ýyl talyby Farhat Şaripow hem gatnaşyp, III derejeli diploma, bürünç medala hem-de Hormatly Prezidentimiziň gymmat bahaly sowgadyna mynasyp boldy.
Şeýle bäsleşikleriň geçirilmegi geljekki ýaş nesilleriň giň gözýetimli, innowasion tehnologiýalardan baş çykarýan hünärmenleriň has-da kämilleşmeklerine ýardam edýär.
Bilbil BERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
IV ýyl talyby.