HINDISTANYŇ TÜRKMENISTANDAKY ILÇIHANASY ITEC DAY-2026 GÜNÜNI BELLEDI
2026-njy ýylyň 24-nji martynda Hindistanyň Türkmenistandaky Ilçihanasynyň guramagynda Aşgabadyň «Ýyldyz» myhmanhanasynda Hindi tehniki we ykdysady hyzmatdaşlyk maksatnamasynyň - ITEC Day-2026 gününi belledi. Bu dabaraly çärä ITEC maksatnamasynyň we ICCR (Hindistanyň medeniýet gatnaşyklary baradaky Geňeşi) talyp haklarynyň uçurymlary, diplomatik we bilermenler bileleşiginiň wekilleri hem-de Türkmenistanyň Daşary işler ministrliginiň Halkara gatnaşyklary institutynyň mugallymlary gatnaşdylar.
Çäräniň dowamynda çykyş eden Hindistanyň Türkmenistandaky ilçisi Bandaru Wilsonbabu Hindistanyň ITEC tehniki we ykdysady hyzmatdaşlyk maksatnamasynyň 1964-nji ýylda döredilendigini we şu güne çenli Hindistanyň Daşary işler ministrliginiň hyzmatdaş ýurtlaryň mümkinçiliklerini ösdürmek ugrundaky esasy meýdançalarynyň biri bolup galýandygy barada belledi. Şeýle hem ITEC we ICCR maksatnamalarynyň uçurymlary Hindistanda alan bilim tejribeleri bilen paýlaşyp, gazanan bilimleriniň öz hünär işlerinde nähili peýdalanylýandygy barada gürrüň berdiler.
Dabaraly çäräniň ahyrynda hindi aýdymlary, tanslary hem-de ýoga boýunça görkezme çykyşlary görkezildi.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.