Hindistan - Merkezi Aziýa gaznasynyň wekilleri bilen geçirilen duşuşyk
2025-nji ýylyň 5-nji martynda Türkmenistanyň Daşary işler ministrliginiň
Halkara gatnaşyklary institutynyň we Hindistan – Merkezi Aziýa gaznasynyň
arasynda sanly ulgam arkaly duşuşyk geçirildi. Oňa türkmen tarapyndan
Türkmenistanyň Daşary işler ministrliginiň Halkara gatnaşyklary institutynyň ylmy
işler boýunça prorektory B.Mätliýew we institutyň professor-mugallymlary, şeýle
hem hindi tarapyndan Hindistan – Merkezi Aziýa gaznasynyň Prezidenti Aşok
Kumar Şarma, gaznanyň direktory Ramakant Dwiwedi we gaznanyň wekilleri
gatnaşdylar.
Duşuşygyň çäginde oňa gatnaşyjylar Türkmenistanyň Daşary işler
ministrliginiň Halkara gatnaşyklary institutynyň we Hindistan – Merkezi Aziýa
gaznasynyň bilelikdäki ylmy kitabyny çapa taýýarlamak, ikitaraplaýyn
hyzmatdaşlygy pugtalandyrmak we başga-da birnäçe meseleler dogrusynda özara
pikir alyşdylar.
Duşuşygyň ahyrynda taraplar öňe sürülen teklipleri we teswirleri goldap,
özara hyzmatdaşlygyň ösüşine kanagatlanma bildirdiler. Bu duşuşygyň geçirilmegi
ylym-bilim ulgamynda alnyp barylýan türkmen-hindi gatnaşyklarynyň ösüşinde
möhüm waka boldy.
Hojamyrat BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
III ýyl talyby.