Hemişelik Bitaraplygymyzyň 30 ýyllygyna bagyşlanan dabara
2025-nji ýylyň 12-nji martynda Türkmenistanyň Magtymguly adyndaky milli
sazly drama teatrynda Türkmenistanyň hemişelik Bitaraplygynyň 30 ýyllygy hem-
de Halkara parahatçylyk we ynanyşmak ýyly mynasybetli «Bitaraplyk ― jebisligiň
binýady» atly aýdym-sazly dabara geçirildi. Oňa Magtymguly adyndaky Türkmen
döwlet uniwersitetiniň, Halkara ynsanperwer ylymlary we ösüş uniwersitetiniň
hem-de Türkmenistanyň Daşary işler ministrliginiň Halkara gatnaşyklary
institutynyň mugallymlarydyr talyp ýaşlary, medeniýet işgärleri, köpçülikleýin
habar beriş serişdeleriniň wekilleri gatnaşdylar. Dabara Türkmenistanyň Bilim
ministrligi hem-de Medeniýet ministrligi tarapyndan bilelikde guraldy.
Mälim bolşy ýaly, 2025-nji ýylda ýurdumyzyň hemişelik Bitaraplygynyň 30
ýyllyk baýramy uludan belleniler. Watanymyzyň durmuşynda örän uly syýasy
waka bolan bu sene hoşniýetli daşary syýasatymyzyň üstünliklerini dünýä ýaýýan
ajaýyp baýramçylykdyr. Halkara parahatçylyk we ynanyşmak ýylymyz hem şeýle
şanly sene bilen utgaşyp, taryhy wakalara, uly üstünliklere beslenýär. Şunuň bilen
baglylykda, şu gezekki aýdym-sazly dabarada parahatçylyk ýörelgelerimiziň
umumadamzat ähmiýeti sahna eserleriniň üsti bilen beýan edildi. Şunda Gahryman
Arkadagymyzyň «Parahatçylyk sazy, dostluk, doganlyk sazy» atly kitabynyň
esasynda taýýarlanylan çykyşlar dabara aýratyn mazmun çaýdy. Talyp ýaşlaryň
çykyşlary, meşhur teatr artistleriniň spektakllary tomaşaçylara ruhy lezzet berdi.
Mahym NARMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.