HALKARA RUS DILINE BAGYŞLANAN BÄSLEŞIK
2025-nji ýylyň 3-nji iýunynda Türkmenistanyň Daşary işler ministrliginiň Halkara gatnaşyklary institutynda beýik rus şahyry Aleksandr Sergeýewiç Puşkiniň doglan güni hem-de Halkara rus dili güni mynasybetli bäsleşik geçirildi. Dünýä dilleri kafedrasynyň mugallymlary tarapyndan guralan bäsleşigiň maksady daşary ýurt dillerini öwrenmegiň ähmiýetini düşündirmekden ybarat. Türkmenistanda daşary ýurt dillerini, şol sanda rus dilini öwrenmäge uly üns berilýär.
Beýik rus şahyry Aleksandr Sergeýewiç Puşkiniň eserleri onlarça dile terjime edildi. 1911-nji ýylda ýurdumyzyň paýtagty Aşgabatda Aleksandr Sergeýewiç Puşkiniň ýadygärligi gurlup, ýadygärlik her ýyl şahyryň doglan gününde dabaraly gül goýmagyň merkezine öwrülýär.
Bäsleşige Türkmenistanyň Daşary işler ministrliginiň Halkara gatnaşyklary institutynyň ähli fakultetinden talyplar gatnaşyp, bäsleşik iki tapgyrda geçirildi. Ilki bilen talyplar “Hekaýany dowam et” oýnunda öz hyýaly başarnyklaryny we ikinji taňgyrda aňyň pikirleniş tizligini görkezdiler.
Bäsleşikden soň ýeňijilere ýadygärlik sowgatlar gowşuryldy.
Hemragylyç NURMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.