OKSFORD INSTITUTYNYŇ WEKILI BILEN GEÇIRILEN OKUW SAPAGY
2026-njy ýylyň 14-nji martynda Türkmenistanyň Daşary işler ministrliginiň Halkara gatnaşyklary institutynda Oksford institutynyň müdiriýetiniň agzasy Antoniosa Sanakopulosyň gatnaşmagynda okuw sapagy geçirildi. Duşuşygyň dowamynda taraplar ikitaraplaýyn akademiki hyzmatdaşlygyň geljegi, hususan-da ylmy barlaglary bilelikde alyp barmak we tejribe alyşmak meselelerini ara alyp maslahatlaşdylar.
Duşuşyk tamamlanandan soň institutyň professor-mugallymlarynyň we talyp ýaşlarynyň gatnaşmagynda okuw sapagy geçirildi. Okuw sapagynyň dowamynda hormatly myhman häzirki zaman halkara gatnaşyklarynyň iň möhüm meseleleri, hususan-da howpsuzlyk we sebitara hyzmatdaşlygyň häzirki ýagdaýy barada gürrüň berdi. Ol öz çykyşynda diplomatiýanyň parahatçylygy üpjün etmekdäki we gapma-garşylyklaryň öňüni almakda diplomatiýanyň ornunyň uludygyny belledi. Okuw sapagynyň ahyrynda talyplar häzirki zaman diplomatiýasynyň möhüm ugurlary boýunça özlerini gyzyklandyrýan soraglar bilen ýüzlendiler. Hormatly myhman soraglara jogap berip, ýaşlaryň intellektual derejesine we olaryň halkara gatnaşyklaryna bolan gyzyklanmalaryna ýokary baha berdi.
Okuw sapagy tamamlanandan soň Türkmenistanyň Daşary işler ministrliginiň Halkara gatnaşyklary institutynyň Strategik barlaglar boýunça ylmy merkeziň bilermenleri bilen duşuşyk geçirildi.
Muhammetaly ANNAMÄMMEDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 1-nji ýyl talyby.