ADAM HUKUKLARY BOÝUNÇA OKUW SAPAGY GEÇIRILDI
2026-njy ýylyň 17-nji martynda Türkmenistanyň Daşary işler ministrliginiň Halkara gatnaşyklary institutynyň Durnukly ösüş maksatlary boýunça ylmy-usulyýet merkezinde adam hukuklary boýunça okuw sapagy geçirildi. Okuw sapagy BMG-niň Adam hukuklary baradaky Ýokary komissarynyň müdirliginiň Merkezi Aziýa boýunça sebitleýin edarasy bilen hyzmatdaşlykda Türkmenistanyň Daşary işler ministrliginiň Halkara gatnaşyklary institutynyň we Halkara ynsanperwer ylymlary we ösüş uniwersitetiniň talyplary hem-de mugallymlary gatnaşdylar.
Bu okuw sapagyny BMG-niň Adam hukuklary baradaky Ýokary komissarynyň müdirliginiň Merkezi Aziýa boýunça sebitleýin edarasynyň adam hukuklary boýunça geňeşçisi jenap Erkin Isakulow alyp bardy.
Sapagyň dowamynda jenap Isakulow “BMG-niň Adam hukuklary ulgamy” hem-de “BMG-niň Maýyplaryň hukuklary hakyndaky Konwensiýasynyň standartlary” temasy boýunça adam hukuklarynyň esasy düşünjelerine degişli adam hukuklarynyň esasyny düzýän halkara resminamalar barada giňişleýin maglumat berdi. Şeýle okuw sapaklaryň yzygiderli guralmagy talyplaryň halkara hukugynda adam hukuklary boýunça bilimleriniň giňelmegine uly ýardam edýär.
Maral ORAZGYLYJOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň mugallym-öwrenijisi.