Halkara maslahat
2021-nji ýylyň 15-nji aprelinde hormatly Prezidentimiziň gatnaşmagynda “Garaşsyz, baky Bitarap Türkmenistanyň parahatçylygyň we ynanyşmagyň hatyrasyna halkara hyzmatdaşlygy” atly halkara maslahat geçirildi. Halkara maslahat öz işini esasy mejlisden soňra üç bölümçede dowam etdi.
Maslahatyň birinji bölümçesi “Parahatçylyk we howpsuzlyk ugrunda hyzmatdaşlyk” ady bilen Türkmenistanyň Daşary işler ministrliginiň Halkara gatnaşyklary institutynda geçirildi. Bölümçäni BMG-niň Merkezi Aziýa üçin Öňüni alyş diplomatiýasynyň Sebit merkeziniň ýolbaşçysynyň orunbasary F.Saprykin alyp bardy. Şeýle-de bölümçede Ministrler Kabinetiniň başlygynyň orunbasary, Türkmenistanyň Daşary işler ministri Raşid Meredow hem-de birnäçe halkara guramalaryň ýolbaşçylary we wekilleri çykyş etdiler. Maslahatda çykyş edenler Türkmenistanyň halkara gatnaşyklarynda öňe sürýän parahatsöýüjilik, hoşniýetli goňşuçylyk syýasaty, şeýle hem abadançylyk, ösüş we ynsanperwerlik taglymatlary barada gürrüň berdiler.
Soňra Halkara gatnaşyklary institutynyň binasynda halkara maslahatyň jemleri boýunça “tegelek stol” ýazgysy geçirildi.
Gurbanjemal EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.