Halkara maslahat öz işini jemledi
2021-nji ýylyň 15-nji aprelinde Türkmenistanyň Daşary işler ministrliginiň Halkara gatnaşyklary institutynda “Garaşsyz, baky Bitarap Türkmenistanyň parahatçylygyň we ynanyşmagyň hatyrasyna halkara hyzmatdaşlygy” atly halkara maslahatyň netijeleri boýunça tegelek stol geçirildi. Halkara ynsanperwer ylymlary we ösüş uniwersitetiniň rektory Esen Aýdogdyýewyň alyp barmagynda geçirilen çärede maslahatyň esasy ugurlary beýan edildi.
Çärä Türkmenistanyň Daşary işler ministrliginiň Halkara gatnaşyklary institutynyň rektory J.Gurbangeldiýew, Magtymguly adyndaky Türkmen döwlet uniwersitetiniň rektory B.Orazdurdyýewa, Halkara ynsanperwer ylymlary we ösüş uniwersitetiniň prorektory N.Şyhlyýew, Birleşen Milletler Guramasynyň Merkezi Aziýada Öňüni alyş diplomatiýasy boýunça Sebit merkeziniň ýolbaşçysynyň orunbasary F.Saprykin, BMG-niň Türkmenistandaky wagtlaýyn utgaşdyryjysy, BMG-niň Çagalar Gaznasynyň Türkmenistandaky wekili K.Weýgand, Durnukly ösüş maksatlary boýunça ýaş ilçiler, şeýle-de institutyň professor-mugallymlary we talyplary gatnaşdylar.
Çärede “Garaşsyz, baky Bitarap Türkmenistanyň parahatçylygyň we ynanyşmagyň hatyrasyna halkara hyzmatdaşlygy” atly halkara maslahat halkara işlerde parahatçylygyň we ynanyşmagyň ähmiýeti barada wekilçilik edýän guramasynyň adyndan her bir gatnaşyjynyň pikirleri beýan edilen netijeli interaktiw giňişligine öwrüldi. Bu ugurda hyzmatdaşlygy giňeltmek boýunça pikir alşyldy.
Gurbanjemal EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
II ýyl talyby.