Halkara küşt güni
"Bir göçümi, iki göçümi däl-de tutuş meýilnamany gözle."
Znosko-Borowskiý
20-nji iýul - 1924-nji ýylda Halkara şahmat federasiýasynyň esaslandyrylan güni hökmünde taryha girip, şol gün bütin dünýäde Halkara küşt güni bellenilýär. 1861-nji ýylda berk düzgünleri bolan oýnuň wagt ulgamy döredildi. Halkara küşt federasiýasy 1924-nji ýylyň 20-nji iýulynda Fransiýanyň paýtagty Parižde sekizinji tomusky Olimpiýa oýunlarynyň geçýän döwri döredilipdi. Halkara küşt federasiýasynyň (FIDE-niň) esaslandyrylmagyny ýatlamak üçin 1966-njy ýylyň 20-nji iýulynda Halkara küşt güni döredildi. 20-nji iýulda Halkara küşt gününi bellemek baradaky konsepsiýa UNESKO tarapyndan hödürlendi. 1966-njy ýyldan bäri Halkara küşt federasiýasynyň (FIDE-iň) başlangyjy bilen dünýäniň küştçileri 20-nji iýuly Halkara küşt güni hökmünde belleýärler.
BMG tarapyndan Bütindünýä küşt gününiň yglan edilmegi diňe bir FIDE-iň küşt pudagyndaky halkara hyzmatdaşlygyny goldamakda we dünýäniň ähli halklarynyň arasynda dostlukly sazlaşygy ösdürmäge çalyşmakda däl-de, eýsem raýdaşlygy we parahatçylygy ösdürmekde-de möhüm orny eýeleýär.
Annagözel Mekanowa,
Türkmenistanyň Daşary işler ministrliginiň
Halkara gatnaşyklary institutynyň
I ýyl talyby.