“Halkara gatnaşyklarynda Bitaraplyk instituty: dünýä tejribesi we milli türkmen nusgasy” atly ylmy-amaly maslahaty
2021-nji ýylyň 23-nji dekabrynda Türkmenistanyň Daşary işler ministrliginiň Halkara gatnaşyklary institutynyň Strategik barlaglar boýunça ylmy merkeziniň gurnamagynda ýurdumyzyň Bitaraplyk syýasatynyň taryhy ähmiýetine, gazanan tejribesine we bu syýasatyň binýadynda duran ýörelgeleri halkara gatnaşyklary ulgamynda dürli meseleleriň çözgüdini gözläp tapmakda ulanylmagynyň möhüm meselelerine bagyşlanyp ylmy maslahat geçirildi. Maslahata ylmy merkeziň ekspertleri, institutyň professor-mugallymlary we talyplary gatnaşdylar. Maslahatda çykyş edenler türkmen Bitaraplygynyň geçen taryhy döwrüň içinde halkara gatnaşyklary ulgamynda özara bähbitleri utgaşdyrmagyň täsirli guralyna öwrülendigini we onuň mümkinçilikleriniň sebit we halkara parahatçylygy, howpsuzlygy hem-de durnukly ösüşi üpjün etmäge ýardam etjekdigini bellediler.
Maslahatyň ahyrynda Strategik barlaglar boýunça ylmy merkeziniň ekspertleri we institutyň professor mugallymlary bitaraplyk syýasatynyň ylmy-teoretik esaslaryny kämilleşdirmegiň wajyplygyny we ýurdumyzyň daşary syýasatynyň üstünlikli amala aşyrylmagynda bitaraplygyň mümkinçiliklerini peýdalanmak boýunça täze ylmy garaýyşlaryň kemala getirilmeginiň zerurlygyny, bu bolsa ylmy merkeziň işiniň esasy ugurlarynyň biri bolup durýanlygyny nygtadylar.
Türkmenistanyň Daşary işler ministrliginiň
Halkara gatnaşyklary institutynyň
Strategik barlaglar boýunça ylmy merkezi.