GAJAR DÖWLETINIŇ DAŞARY SYÝASATYNA WE HALKARA GATNAŞYKLARYNA BAGYŞLANAN UMUMY OKUW SAPAGY
2024-nji ýylyň 5-nji ýanwarynda Türkmenistanyň Daşary işler ministrliginiň Halkara gatnaşyklary institutynda hereket edýän Ýaş diplomatlar mekdebiniň gurnamagynda mekdep okuwçylarynyň, şeýle hem institutymyzyň mugallymlarydyr talyplarynyň gatnaşmagynda Gajar döwletiniň taryhyna bagyşlanan umumy okuw sapagy geçirildi. Bu umumy okuw sapagyny Magtymguly adyndaky Türkmen döwlet uniwersitetiniň Türkmenistanyň taryhy kafedrasynyň mugallymy Toýly Hommyýew “Gajar döwletiniň XVIII asyrdaky – XIX asyryň I çärýegindäki halkara gatnaşyklary we daşary syýasaty” temasy boýunça geçirdi.
Tejribeli mugallym bu sapaga gatnaşyjylara Gajar döwletiniň şol döwürlerde syýasy ýagdaýy, daşary syýasatynda we halkara gatnaşyklarynda uly işleri bitiren gajar hökümdarlarynyň goňşy döwletler bilen gatnaşyklary hakynda giňişleýin gürrüň berdi. Umumy okuw sapagynyň dowamynda mugallym gatnaşyjylary gyzyklandyrýan soraglara jogap berdi. Gyzgalaňly geçen umumy okuw sapagynyň soňunda gatnaşyjylar özleriniň minnetdarlygyny bildirdiler.
Intizar TAGANNYÝAZOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby