Gahryman Arkadagymyzyň Hytaý Halk Respublikasyna amala aşyran dostluk saparyna bagyşlanan hoşallyk maslahaty
2026-njy ýylyň 27-nji martynda Türkmenistanyň Daşary işler ministrliginiň Halkara gatnaşyklary institutynda Gahryman Arkadagymyzyň Hytaý Halk Respublikasyna amala aşyran dostlukly saparyna bagyşlanan hoşallyk maslahaty geçirildi. Oňa Türkmenistanyň Daşary işler ministrliginiň Halkara gatnaşyklary institutynyň professor-mugallymlary, talyp ýaşlary we myhmanlar gatnaşdylar. Hoşallyk maslahatynda Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary we diplomatiýa kafedrasynyň professory Öwezdurdy Muhammetberdiýew türkmen halkynyň Milli Lideri, Türkmenistanyň Halk Maslahatynyň başlygy Gahryman Arkadagymyzyň Hytaý Halk Respublikasyna amala aşyran dostluk sapary barada giňişleýin çykyş etdi.
Okuw sapagynyň dowamynda Gahryman Arkadagymyzyň Hytaý Halk Respublikasynyň Başlygy bilen geçiren ýokary derejeli gepleşikleriniň strategik ähmiýeti barada giňişleýin durlup geçildi. Duşuşygyň dowamynda iki ýurduň energetika diplomatiýasyny ösdürmek, Türkmenistan — Hytaý gaz geçirijisiniň kuwwatyny artdyrmak hem-de ulag-logistika ulgamynda “Beýik Ýüpek ýolunyň gaýtadan dikeldilmegi” strategiýasyny Hytaýyň “Bir guşak, bir ýol” başlangyjy bilen utgaşdyrmak meselelerini ara alyp maslahatlaşandyklary bellenildi. Şeýle hem gepleşikleriň barşynda söwda-ykdysady gatnaşyklary täze, hil taýdan kämil derejä götermek, senagat we sanly tehnologiýalar pudagynda bilelikdäki taslamalary amala aşyrmak, şonuň bilen bir hatarda halkara howpsuzlygy üpjün etmekde iri halkara guramalaryň, ozaly bilen bolsa, Birleşen Milletler Guramasynyň çäklerinde özara goldaw bermek we ynsanperwer, ylym-bilim, medeniýet ulgamlarynda hyzmatdaşlygy has-da işjeňleşdirmek baradaky meseleleriň ileri tutulýan ugurlar hökmünde kesgitlenendigi nygtaldy.
Maslahatyň ahyrynda oňa gatnaşyjylar döredip berilýän giň mümkinçilikler üçin Gahryman Arkadagymyza, Arkadagly Gahryman Serdarymyza alkyş sözleri aýdyldy.
Aýgözel AMANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 2-nji ýyl talyby.