Durnukly ösüş maksatlarynyň 14-nji maksadyna bagyşlanan okuw sapagy
2021-nji ýylyň iýun aýynyň 3-ine Türkmenistanyň Döwlet medeniýet merkeziniň garamagyndaky Döwlet kitaphanasynda Türkmenistanyň Hazar deňzi institutynyň we Durnukly ösüş maksatlary boýunça ylmy-usulyýet merkeziniň wekilleriniň gatnaşmagynda Durnukly ösüş maksatlarynyň 14-nji maksady bolan Durnukly ösüşiň bähbitleri üçin ummanlary, deňizleri we deňiz serişdelerini gorap saklamak we olardan rejeli peýdalanmak boýunça okuw sapagy geçirildi. Okuw sapagyň dowamynda bu ugur boýunça ýurdumyzda hormatly Prezidentimiziň parasatly ýolbaşçylygynda ýerine ýetirilýän ägirt uly işler barada anyk mysallar arkaly giňişleýin gürrüň edildi. Hususan-da, döwletimiziň köptaraplaýyn halkara hyzmatdaşlygyny işjeňleşdirmek bilen, Hazarda abadançylygyň hem-de durnukly ösüşiň maksatlaryna laýyk gelýän netijeli hyzmatdaşlygy ösdürmäge ägirt uly goşant goşýandygy nygtaldy.
Arslankerim KERIMOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
II ýyl talyby,
Durnukly ösüş maksatlarynyň ýaş ilçisi.