Durnukly ösüş maksatlary boýunça okuw sapagy geçirildi
2024-nji ýylyň 25-nji oktýabrynda Türkmenistanyň Daşary işler
ministrliginiň Halkara gatnaşyklary institutynyň Durnukly ösüş maksatlary (DÖM)
boýunça ylmy-usulyýet merkezinde Birleşen Milletler Guramasynyň Ösüş
maksatnamasynyň (BMGÖM) Türkmenistandaky hemişelik wekilhanasy bilen
hyzmatdaşlykda Durnukly ösüş maksatlary boýunça okuw sapagy geçirildi. Oňa
institutymyzyň DÖM merkeziniň agzalary gatnaşdylar.
Okuw sapagynyň dowamynda gatnaşyjylar Durnukly ösüş maksatlaryna
ýetmek üçin milli we halkara tagallalary ara alyp maslahatlaşdylar. BMGÖM
hünärmenleri DÖM 2 (Açlygy ýok etmek) we DÖM 8 (mynasyp iş we ykdysady
ösüş) durmuşa geçirmek baradaky bilelikdäki tagallalary belläp, Türkmenistanda
DÖM-leri durmuşa geçirmek üçin Milli gözegçilik we hasabat platformasy bilen
tanyşdyrdylar. Mundan başga-da, Demirgazyk Makedoniýanyň durnukly ösüş
maksatlaryna ýetmekdäki tejribesini paýlaşdylar. Şeýle-de oňa gatnaşyjylaryň we
bilermenleriň arasynda gozgalýan meseleler barada dürli sorag-jogap alşyldy.
Şamuhammet ELÝASOW,
Türkmenistanyň Daşary Işler ministrliginiň
Halkara gatnaşyklary institutynyň
Halkara žurnalistikasy fakultetiniň
I ýyl talyby.